جيفارا...ارخص من المحلات
اللي يعرفني كويس..يعرف قد ايه جيفارا مضايقني..طبعا مش تشي جيفارا نفسه..المناضل اللي انا شخصيا بحترمه وكتير مننا بيحترموه رغم اختلافنا معاه في الأشياء اللي وصلتنا لاحتضان مبادىء الحرية ومبادىء تانية كتير..وساعات اختلافنا في الاسلوب..لكن في النهاية يظل احترامنا ليه لا يتزحزح كلما قرانا عنه او شوفنا معلومة هنا او اخرى هناك..اللي مضايقني بقى هو انتشاره بين طائفة الشباب بالصورة الرهيبة دى..ما بين صوره على العربيات او حتى الهدوم والميداليات وعلى الكمبيوتر ..وساعات بقى الشباب بيعملوا شكله (يعني الذقن والجاكت وكده)..هتقولولي ايه هي المشكلة؟!! لو انت بتحب حد قوي ممكن تقلده او تحتفظ بحاجة تفكرك بيه...المشكلة بقى ان 90% من الشباب دي ميعرفش مين هو جيفارا...ولو يعرفه ميعرفش ايه هي مبادءه ولا كان بيطالب بايه وفين وعشان ايه..الموضوع ده قعد فترة كبيرة مضايقني..لحد ما تعايشت معاه..وفي خلال هذه الفترة بقى في شخصيات تانية تنال هذه الشعبية بين الشباب وبرضه عن جهل...والشخصيات التانية دي مش حاجة بقى خالص..لا مبادىء ولا كلام فاضي...وبرضه قلت يا واد سيبك..لكن عمنا جيفارا هو اللي ماسبنيش بقى..كل يوم او يومين ..الاقي حد مقلده ..او حاطط صورته..فافتكر..اروح حفلة لوسط البلد..يغنوا جيفارا...والناس حافظة الاغنية وبرضه بيقولوا مين هو جيفارا...فافتكر تاني...لحد ما قعدت فترة معقولة في سلام تام من ناحية الموضوع ده....وفي أحد الايام ...كنت مروح من الكلية لحد بيتنا في الهرم..وما كانش في حد معايا ولا حد بيوصلني...فوقفت في ميدان العباسية الساعة الجميلة..وركبت الاوتوبيس المكيف اللي هو مش مكيف ده ولا حاجة عشان اقضي فيه الساعتين الجمال...والدنيا حر..طحن...وواقف لاني مفيش مكان...وكل ده ويدخل الاوتوبيس عيل صغير بيبيع حاجات...وكده المشهد مش ناقصه حاجة غير نشال وتبقى ففيلم عربي من بطولة سواق اتوبيس نقل عام....الطفل ده بقى يبيع ولاعات..ومفكات متسالونيش ليه!!...وجلد حنفيات ومش عايز تعليق برضه لاني ده حوار لوحده...وميداليات..هتسالوني عليها صورة مين..هقولكوا حبيب قلبي (ارنستوا رافايل جيفارا) الشهير بتشي جيفارا..وهنا خرجت مني هذه الكلمات متخيلا ان عمنا جيفارا شخصيا بيتباع في الاتوبيسات مع اختلاف طريقة عرضه للبيع من واحد للتاني ومن واحدة للتانية.......ومعلش طولت عليكم والكلمات دي اهي وطلعت مني في صورة زجل مش قصيدة بالمعنى يعني بس فعلا كنت محتاج اتريق عالموضوع ده
جيفارا
جيفارا ياانسة...جيفارا يا مدام
جيفارا عالميدالية..اتفرج يا سلام
جيفارا للامورة..خدها مني صورة
تلزقها عالفانلة ..او شباك الحمام
جيفارا يا انسة..جيفارا يا مدام
معايا صورة جيفارا..فوق كباية العصير
منها احمر واخضر..ولسة الوان كتير
طب خدها مني حتة...تلزقها عالجاكتة
او فوق المخدة او حتى ملاية السرير
جيفارا يا حلاوة...ده بينفع للزكام
جيفارا يا انسة...جيفارا يا مدام
محدش قال هات...ارخص من المحلات
جيفارا يا استاذ...اللي اندبح ومات
مين ياخد المناضل بتاع الهتافات
بتاع المبادىء.. .وو...وابوك السقا مات
جيفارا للحرارة..ومسكن للالام
جيفارا يا انسة....جيفارا يا مداااام
posted by frozen love at 8:02 PM
25 Comments:
lol
good one. the whole thing actually is very ironic, i was telling a friend a few months back how... not only ignorant it is, but also funny. how can everything he fought against aslan be promoted for in his name? ya3ny lama GUEVARA himself yeb2a madda estahlakeya..... el donia kherbet, bas heya aslan kharbana men zaman, hatigy 3ala Che?
really nice blog btw.
maat:thanks a lot for your opinion and thats the point i meant to clearify too...elmshkla msh bs elghl beh l2 da tasgheer his concepts ledarget enha tb2a commercial keda
thanks again 3la tashge3k da
loooooooooooooool
gamda elteneeeeeeeeeen :D
2wel mara fe 7ayaaaaaaaaty kolha 2a2ralak 7aga mesh ka2eeba :D
la wel moseba eny kont batsha2leb men eld7ak kaman :)) ...wlahy ya m3lm yemken men elsadma
wtg maaaaaan
gr8 "zagal"
as u prefer to call it ..
but maybe more than just 10% know about givara..
but gr8 post too .. u have a nice way of writin' .. keep goin' :P
محدش قال هات...ارخص من المحلات
جيفارا يا استاذ...اللي اندبح ومات
مين ياخد المناضل بتاع الهتافات
بتاع المبادىء.. .وو...وابوك السقا مات
:'(
mesh 3aref..m3a en elpost mesh ka2eb.maybe ironic like maat and kelma said..but ana 7aseet enak "madbo7 mn el2lam" fel 7etta deh..
7tta lama yob2a che ba6al el t-shirtat like one of my freinds alwayes said..mayla2esh 7ad y2ol hat?!!
ah ya balad..
kelma: shoft ya sh2ee2 msh ana w3dtk beltaghyer..merci ya 7oby eno 3agbak
bent 3adya gedan:thx alot..ihope that more than 10% know about him..and his concepts
we2am: enty b2a ya we2am kesa lw7dk l2nk sbteny..ana 2lt m7dsh hayakhd balo men e7sasy fe el7eta de..bs a7yeky..hwa keda belzabt..we 3la fkra ah yabalad de ana b2olha kl yom 10 mrat maslan..ezahr msh ana lw7dy elly keda...yb2a aked fe aml..we thanks kteer 3la r2yek
This comment has been removed by the author.
جيل مهمش ليس له اي اهداف ولا طموح
ماذا تنتظري منه
yeah, i told u bout that incident fe 7aflet wust elbalad, fe west mahomma bey3'anno elo3'neyya le2eet wa7ed beymayyel 3ala sa7bo bey2ollo 'howa meen GUEVARA da?'
ya3ny da 7atta ma3dash 3ala film elerhaby beta3 3adel emam..
elzagal 7elw giddan, fe3lan 3agebny
mohamed mofeed:hwa belzbt keda..ntmna eldonia tetghyar..aw trg3 belzmn
elsede3':ah ma7na fe elhawa sawa ya sh2ee2...i know
3agebny awi el flow el hady beta3 el words.. mashya sahla keda 3la el sama3 .. like it awi.. estamer ya ebny :)
جيفارا يا أنسه ... جيفارا يامدام
انت مركز على الجملة دى
علشان جيفارا وسيم يعنى ولا ايه؟؟
فى ناس كتير بيسموا كلابهم بأسم جيفارا مش عارفه ليه يمكن علشان يفضلوا يفتكروا المناضل الشجاع جيفارا
حلو البوست ده أحلى حاجه فكرتنى أنت ببياعين الأتوبيسات...ظاهره شكلها كده عمرها ما حتمشى أبداً
أما عن الزجل فهو مناسب جداً وفى الصميم لأنى لا أعتقد أن عامه الناس تعرف من هو؟
ألف سلام
7elwa 2wy :)
مين ياخد المناضل بتاع الهتافات
2elmoshkela 2eno law matba3shy 3alwala3at welmedalyat ma7adesh hayshtereh,
2elnas delwa2ty 3ayza nancy we hayfaa..tahzee2..!
Ethics became a Myth !
hoby: mmerci rbna ykhleky..mshg3any dayman
anonymous:لا هي مش حكاية وسامة ولا حاجة...بصراحة عشان اللي مدمنين الشراء هماالبنات والستات..فانا تصورت اني البياع بيستغل النقطة دي وبيغريهم باللي بيبيعه..بيسموا كلابهم جيفارا!!!!!!!!
ayyam:2000 slam..we shkran gedan leek...لو بياعين الاوتوبيسات مشيوا هتحس انك مش في مصر..looool
hurricane_x:l2 hwa elmshkla msh enhm 3ayzen nancy we haifaa..enhm 3ayzenhom homma bs..y3ny hyafa we bs,,laken 7ata lw fe skafa we w2t eldl3 dl3...a2ol m3lsh..lakn ma3adsh 7aga gher keda tshghlhm...we da elly mgnny...thanks u so much
nice blog :D
w fe3lan 3andak 7a2....
dana 3andy wa7ed fil koleia laze2 sorta kebera lih 3la kaboot el 3arabeya :D wama sa2alto meen dah 2alee guivara....oltelo 3aref bta3 eh y3nee? a3ad ye2aleb ay kalam y3nee
ana bardo el sara7a dunno so much abt guivara...i just know the basics.. bas mesh fahma eh eli 7'ala el populatiry el 3ageb da ben el shabab
talat terba3hom ye3raf 3an mickey mouse aktar mn eli ye3rafo 3an guivara....3alam ...
w 2arabee ya madam.... shebsheb 7amaaaam... w7'alee 7amada yel3ab !
batabeet:thank you...shofty maho da elly ana bklm feh we ghyzny awy..elly hwa msh motkhyl a3ml zayoo keda..say eno sa7b eslora 7aga mmkn tfhm elnas sora ghlt 3nny..we ll2sf da kman bey7sl...we khale 7mada yl3b tb3an...lol
بصرة
فعلا بكره الليلة دي وتلاقي واحد يقولك انا يساري وانا مش عارفة اية
يا عم انت فاهم انت بتقول اية ولا بتهوبص
مع احترامي لجيفارا الا انه بجد بقى طالع موضة
lamia:maho da elly mgnny...moda!!..f3lan moda....rbna ykfena shr elmohbsa we elhflta...lol
ههههههههههههههههههههههههههههههههههههههههههههههههههههههههههههههههه
جامدة جدا بجد البوست ده
انا ازاي مجيتش هنا قبل كدة؟
ولا انا جيت ونسيت؟
يلا عامة لي عودة
:D
mai:thanks a lot...de awl mara ashof ur comment..anyway mnwra...we fe entzar 3awdtk we ur comments
3andak 7a2 f3lan ent bgd wasalt m3looma mohma bshkl kwis w yrb el-nas fham 72ee2y bravo.
3andak 7a2 f3lan ent bgd wasalt m3looma mohma bshkl kwis w yrb el-nas fham 72ee2y bravo.
anonymous:
ashkrk kteer..we s3eed enk fhmt el72e2a de..we ya ret tnwrna dayman kda
شوف يا سيدى
مره لقيت واحده صاحبتى بتتكلم عن جيفارا و انه عظيم وكده
انا كنت مبسوطه
مش مبسوطه علشان جيفارا
لكن قلت لنفسى كويس فى ناس لسه مهتمه بالشخصيات اللى اثرت فى العالم
و فى ناس بتدور على الثقافه وكده
و خصوصا و للأسف مبلاقيش ناس كده كتير
قلت اسألها بقى ايه اللى عاجبها فى جيفارا
تصورت انها هتكلنى عن اليسار مثلا
او نضال جيفارا
بصت لى بكل جديه و قالت
بصراحه اصله امور قوى
و شكله حلو موت
اكتشفت بعد كده انها متعرفش اى حاجه عن جيفارا
حتى متعرفش ان اسمه تشى جيفارا
Post a Comment
<< Home