فاطمة...من بنات افكارنا
الشخصيات
----------
فاطمة: الشخصية التي ابدعها ناجي العلى في رسوماته الكاريكاتورية والتي تجسد المرأة الوطن في كل مكان وكل زمان وهي في هذا الرسم كانت تمثل دور ام الدنيا..حبيبته وحبيبتي..او حبيبتي واللي كانت حبيبته!!....ممسكة بعلم بلاده ومرتدية كوفيتها رغم عينيها المظلمتان بظلام القهر والكبت والسجون
-------
أنا:الشخصية التي لا اعرف عنها الكثير حتى الان
-------
المكان
الوطن العربي..مصغرا وموضوعا في غرفتي
--------
الزمان
هذا الزمن...زمن الصمت
-------------------------------------------------------------
فــــــــــــاطمـــــــة
انا:وحشتيني...قوي..على طول في خيالي
فاطمة:ميوحشكش غالي
انا:ده بدل ما تقوليلي وانت كمان
فاطمة:وانت فين عشان اقولك..هو انا شايفاك بقالي زمان
انا:قصدك ايه؟
فاطمة:قصدي انك معدتش انت...وانا معدتش بشوف....معدتش بشوف ومالي قلبي خوف.. زي زمان بالضبط...فاكر...لما كت عيوني مضلمة ومسلمة...وقيود ايديا معلّمة....
انا: متكمليش..انا فاكر ..فاكر صريخك وانتي بتقولي ...هاعيش...فاكر ايديك متبتة فوق العلم...فاكر ثورتك مع كل حد بيتظلم...حتى ريحة كوفيتك...وانتي جامد بتحضنيني...مليانة دمي اللي اتخلط مع دمع عيني
---------------------------------------------
فاطمة:مش فاكرة حاجة
انا:بتكدبى..بلاش سذاجة
فاطمة:طب عايز ايه..انا اتغيرت...وانت برضه بقيت خواجة
انا:عايزك تعودي ..مش مهم اللي جرالي انا
فاطمة:شوف كم سنة..وانت بعيد..قلبي وحيد..وعايزني افضل هو انا..متبقاش عبيط...ارجع ازاي وانت في زحمتك غرقان...شكلك نسيت...واتمحى مخك كمان..انا وانت لو كنت ناسي...شخص واحد جوه راسي...يعني اساسي..لو عدنا!!!....نعود سوا
انا:حتى كلامك صار هوا..بقيتي والله زيهم...لأ..بقيتي واحدة منهم...بتبرري وتقرري..وتوصفي ليا الدوا..كله كلام صار في الهوا
----------------------------------------------
فاطمة:جايبني ليه!!..عايز تقلب المواجع
انا:لا ..انا عايز اقولك اني راجع..وجرح قلبي اللي فيا واجع..راح ادوس عليه...ونزيفي منه..جسر راح امشي عليه..دواية حبرمليانة و هاكتب بيه...مش جاي اقولك ليه؟!!...ولا افكرك باللي انا حتى مانيش ناسيه..انا جاي اقولك اني راجع...يمكن تعودي...يعود حضنك..بكل اللي كان فيه
-----------------------------------------------------
فاطمة:كفاية يابني ..قطعت قلبي..نفس اضمك بس ايدي مكتفة
انا:ابنك!!..كنت فاكر ود قلبك اختفى
فاطمة:اللي بيننا ميختفيش...اللي بيننا دم...حاجة تانية متتنسيش
انا:نبرة كلامك ...اني..اني انتي راجعة
فاطمة:مش هاسيبك لوجراحي فيا واجعة..لا انت اجدع ولا احن..انا بس صوتك...صوتك...صوتك فيا رنّ
---------- -----------------------------
انا:احضنيني تاني يامّا
فاطمة:لو قد ضمة!!...تعالى..انا حضني اكبر من البراح..يساع همومك والجراح..وهمّ غيرك والزمن
انا:تسلمي ويسلم زمانك...ويسلم الابن اللي صانك...تسلميلي ويسلم الكل في مكانك
-----------------------------------
الرسم:من ابداعات ناجي العلي/*
posted by frozen love at 2:31 PM
19 Comments:
Hobs :ana mesh 3arf a2ol eh bgd..metsabt..el klam da kbeer awyy enk t2olo ya 7amed..da m3anah enk gwak kmyet 7ozn w 7ob w khof 3al bld dy raheba...:(
y3ny...bgd rbna yewaf2k w ykhleek lly bt7bha w yarb tkon bs hya tstahel kol 7obk da....asdy el bld tab3an :D
3ood..ya reet t3ood :'(
well , if i say good it will not be enough
but like you
i hope fatma could back
but iam sure if she find relly men that will help her
she will back for sure
and with her we will back also
علشان اكتبلك يلزم املا القلم الكاتب قسوة وغم
علشان اكتبلك .. يلزم املا القلم الكاتب حزن وهم
حبر ملوهش مثيل في الدنيا
حبر يسجل كل ما بينا
ساعة بساعة وثانية بثانية
واكتبلك وتموت الكلمة في حضن السطر
ودموع على خدي تجرجر زي القطر
مش عارفة ليه اول ما قريته افتكرت الكلمتين دول .. قريتهم لشاعر حتى مش فاكرة اسمه
بس نطوا في دماغي فجاة
بجد روعة يا حامد .. حلوة قوي يا ابني
الله عليك
راح ادوس عليه...ونزيفي منه..جسر راح
امشي عليه
gr8 skill yabny :)
can't say more !
فكرتني بحراجي القط
Batates: begad gamda mooot welfekra 7elwa ta7n w begad nefsy a3raf a3abar zayak keda laeny ba7eb el balad de awy w nefsy 7alha yet3edel ba2a
hobs:
thx ya hobs..lol..wlwny mynf3sh ashkrk y3ny..t7s eny fe 7aga ghlt wana bktbha...heya f3lan zy manta wsftha..(kmeyt 7ob mkhlot bl7zn we elkhof)...ya rb y2drna klna 3la enna n3mlha 7aga..we 3la fkra..heya tstahl lw kan da s2al...tstahl awy kman..awy
we2am:ya reet heya t3ood...wana 3ood wraha 3la tool..l2ny khyaly 2ally el3ks..a3tkd eno khyal bs...lakn t2reban lazm heya t3od...msh 3arf!!!..ana h3ml ely 3lya we khlas..lol
ehab:
thx so much 3la r2yak..thats the point the real men...erg3o ya rgaltnaa..plz
lamia:
eh elklam el7lw da...ykhreb 32lk..zo2k 7lw t7n...we lazm tgebely 7aget elsha3r da plz..we kon elklam el7lw da nt fe dmaghk yb2a 7sety klamy f3lan aw 3mlk 7ala...fa thx awy enk 7seteh..we merci 3la r2yk
hurricane:
thx so much...good choice..llgmla de belzat.we elpart da klo aslan b7bo awy
محمد مفيد:
احنا فين وبلاغة حراجي القط فين...يا ريتنا نوصل لنص حبه التلقائي للبلد..اللي هو ميعرفش سببه..الله يا عم عبد الرحمن ..حتى انت معدتش زي زمان فين الحاجات دي دلوقتي
batates:
allah ykhlek ya abo batates....ya ret tklna n3br msh blklam..sebly ana elklam..we klna n3br b2a belf3l...3shan fatma trg3 b2a...2ol ya rb
قشعرتنى
فكرة معقوفة على رأى مخلوف..حلو اوى اوى اوى اوى
nour:
thx so much..2sh3rtny de trgma l27sask we b7b elklma de awy.merci 3la r2yak
my wound already opened along time ago...ahh ahh yani...thx awy ya epi
كنت و مازلت اعشق تامل رسوم ناجي العلي خاصة حنظلة ذلك الرمز البليغ ...و كنت احسب ان من يؤمن بالقومية العربية قد اختفى و انني وحيد في هذا المكان ..و لكن اخيرا عثرت على من يشاركني احلامي و إيماناتي
انا المحظوظ اني وجدت لكثيرون ممن يحلمون باحلام الوطن الواحد...مرحبا بيك في نادي محبين مصر والوطن العربي
howa ana el comment beta3y magash leeh???
wala enta masa7to yaaaad???
l2 ams7 eh..hwa ana atgr2..aked fe 7aga 3ndk...tb brdo m2ltsh r2yak y3ny?....lol,,,,,,shrfny beh tany ya sh2ee2..enta 3arf r2yak 3ndy...waiting u
فكره البوست رااااااااااااائعة
واكتر من رائعة
أداء رائع حسيت اني بشوف الحدث قدامي
:))
3asef:
كونك شفت الحدث قدامك ده انتصار ليا في حد ذانه...ورفع لمعنوياتي..شكرا ليك قوي على رايك وسعيد اني الفكرة عجبتك
..انا عايز اقولك اني راجع..وجرح قلبي اللي فيا واجع..راح ادوس عليه...
ونزيفي منه..جسر راح امشي عليه..دواية حبرمليانة و هاكتب بيه...
مش جاي اقولك ليه؟!!...ولا افكرك باللي انا حتى مانيش ناسيه..
انا جاي اقولك اني راجع...يمكن تعودي...يعود حضنك..بكل اللي كان فيه
to7fa! kolaha masha2 ALLAH to7fa!
deep awi fe zamn keter feh el shallow things!
hoby:
shkran awy 3la r2yk elghaly da..its deep like our sorrow belzabt..klna 7asen el27sas da..bs aked talama fe kter..yb2a fe 7l..isa.....thx again
Post a Comment
<< Home