شيلي صورتك....من أوراقي القديمة
وانا برتّب اوراقي وحاجتي كنوع من تغير حياتي الروتينية المّملة....فتحت درج الاشعار..وقلت هي يعني جت عليه...وطبعا قعدت اقلب هنا وهناك...في المذكرة المشجرة اللي اختي جابتهالى وانا صغّير عشان تشجعنى على الكتابة وفي الملفات بتاعت الحاجات الجديدة...وحاجات الصحبجية والاختام اللي عليها...والنوتة اللي بابا كاتبلي فيها حاجات بخط ايده...وقعدت ارجع 10 سنين لورا...واطلعلي سنتين...وابص على حاجات ليها ذكرى معايا..وحاجات على مواقف..وقصائد كتبتها ومعرفش كاتبها ليه...لحد ما دي وقعت في ايدي.....مكتوب عليها 2001...ومكتوبة بخط سيء وعنوانها ملفت (شيلي صورتك)......دي داخلة على ست سنين اهي...مستوقفنيش اني اسلوبي كان ابسط طبعا من دلوقتي...انا اللي استوقفني قد ايه هي كانت صادقة..وقد ايه مفرادتها كان صعب تطلع مني وقتها وتشبيهاتها نوعا ما كانت عميقة..واللي ضايقني...(هو عدد السنين اللي انا حبست نفسي فيها مع هذه القصة)....وقلت لنفسي..هو مش كفاية كده ولا ايه؟!!...داخل على نص عمرك في حاجة ماديتكش على قد ما انت ادتها..ده اللي بيزهق من وظيفة يا اخي بيغيرها....بلاش دي يا عم...ده اللي بيزهق من....بي...(قعدت ادي لنفسي امثلة كتييييير)....وفي الاخر قريتها تاني...وتالت..ورابع....لحد ما لقيت على وشي ابتسامة مرتسمة وثابتة...لا بتزيد ولا بتقل....ولما شفت نفسي كده قعدت اضحك....اصلي فهمت معنى الابتسامة دى قوي...قوي....معناها اني مافيش حاجة بايدي...معناها اني لسة لما بفتكر اي حاجة حلوة او وحشة من اي وقت...بتاثر.....مش عايز اطوّل عليكم...ولا اقول كلام كتير مش هيقدر يوصلكم احساسي باللحظات دي ..لانه غريب شوية...شويتين الصراحة....المهم القصيدة اهي..انا مغيرتش غير سطر واحد فيها كان محتاج يتغير...وطبعا باعتذر لو حسيتوا انها مش قد المقام يعني....دي بقالها زمن...يعني انا ماكنتش انا...وشكرا انكم سمعتوني واستحملتوني وانا بهفلط
-------------
شيلي صورتك
-----------------
شيلي صورتك من عيوني
شيلي صورتك من الدولااب
بطّلي تبقى انتي كوني
وارحميني من العذااب
---------
حتى صورتك في المطر
شيلي صورتك من السحاب
قلبي من دمعه اتفطر
لما شافك في الكتاب
شيلي صورتك من السطور
كل ما اجي يوم اثور
القى قلبي مني غااااب
---------
شيلي رحتك من هدومي
بطلّي تبقى انتي يومي
كوني لو مرة سراااااب
----------------
نفسي مرة اقفل جفوني
والقى فيهم ضلمة عادي
مش كل ما اغمض عيوني
القى نور عينك قصادي
-------------------
شيلي صورتك لو سمحت
حرّري قلبي اللي دااب
قلبي رافض يبقى نحت
فوق تحفة عندك في الدولاب
---------------
M.H.R
posted by frozen love at 4:05 PM
30 Comments:
بجد حلوه مووووت و احساسها عالي جدا
و بالذات حتة
شيلي رحتك من هدومي
بجد كلمة عبقريه جدا و ان كانت تدل على****
يالا ما علينا :)
mmkn ykon el2btsama deh leha aktr mn m3na..yareet ykon elm3na elle enta test7qo :)
elqseda..touchable awe..3gbny tab3an shele re7tk mn hdome..w shele sortk mn eldolab wel ktab..
ya3ni bgd 3zaab..ana msh fahma leh btedya2 ama tesm3 elkalam dah? :))
3aref men '7ebra sabeqa a2dar a2ol en el ebtesama de fel wa2t da ma3naha en fel wa2t da wasalt le mar7ala men nodg te'7aleek fahem en de goz2 men 7ayatak hateftekro ah bas akeed enak mesh 3ayesh feh la'3ayet delwa2ty..
zekrayat gamila w bet3addy..
zekrayat marera w bet3ady..
w heya de el 7ayah !
looool ...gamda wlahy ya bremz elleel :D .... emal 7asesteny enaha o3`nyet 2atfal leh ??:D
ma 3lena ... 7elwa el7etah bet3et shely re7tek men hedomy ..m3 eny kont fatsan 3la ro7y mel de7k -esra7a 7elwa- bs de bgd 3agbetny 2wy
مش كل ما اغمض عيوني
القى نور عينك قصادي
7elwa elsora de 2a5er 7aga ....
elzareef b2a eny sa3et lma enta kont btekteb elkaseda de ana makontesh bada2t 2akteb 2sln :D
2a7ayeek ya sh2ee2
امسح صورتها من المطر
شيل صورتها من السحاب
قول لقلبك اللي انفطر
بطل تبص في الكتاب
rabena yesama7k
ya ebny e7na 3ndena final kaman kam youm
matgesh delwaktey te2leb 3alena mawage3 ba2laha 3 years we mesh 3arfen nensaha
kont 3ayez a2ol 7elowa zay kol mara bas el mara de mesh 3ref a2ol heya eah
begad 7'letny afteker 7agat mesh 3ayez aftekerha
we kont faker eny 7'las neseet
7ata el ketab kont rameto
bas le el asef el zekrayat mesh makanha el ketab
Hobs:ya 3m shelna enta mn dema3'k b2a :D:D
leh yabny keda...leh ya 7abeby keda..bt3ml fena w fy nfsk keda leh...er7mna yabny shewaya 3shan rbna ykrmk....katko nela maleto el balad :D
ده انت موهوب من يومك بقى
:)))
انا كمان عندى ارشيف كده و كل لما اقعد اقلب فيه احس بحاجات عجيبة اه الواحد كل ما الزمن بيعدى عليه بيحس انه كان ابسط من كده بكتير
القصيدة حلوة جدا على فكرة.. حتى صورتك فى السحاب ايه الرقة دى يا معلم؟
:))9
amira hassan:
متشكر قوي على رايك..وسعيد انها عجبتك
واني تشبيه شيلي رحتك من هدومي ...عجبك برضه..على فكر ده ميدلش على اي حاجة غير مجرد احساس كنت اقصده لما مثلا احمد يديكي الجاكت بتاعه في الشتا...هو ده يعني
bs...loooool
we2am:
atmna ykon elm3ana da f3lan ya we2am....we 3gbny ekhtyark ll2gza2 de belzat...."3ndya"..bs
hoby:
wlahy khbrtk fe gz2 kbeer mn el72e2a..bs hwa sh3ory w2tha kan mix kda mn 7agat kter mn dmnha zy ma bt2oly elndg we e7sas el2drak..we m3ah e3gab bnfsy eny lesa mkhls lksa zy de..we m3ah z3l 3la elw2t ely 3ada..we 7agat tanya...klha etgm3t fe el2btsama de
kelma:
mnwrna ya x-lance...we dayman btd7kny t7n lama a2ralk ya sh2e2...msh mwdo3 song atfal wla 7aga elfkra enha b2alha zmn fa 7set eny etghyrt kteer...s3ed awy enha 3gbtk..we elpart ely enta mn2eh da b2a ya m3lm...hwa elstr elwa7ed elgded ely 2ltlko 3leh...dayman msbtny enta kda...we thx 3la r2yk fe elsora...we lw enta f3lan w2tha mkntsh bd2t khals ktaba..yb2a ana ely a7eyek ya sh2e2...l2nk weslt lmr7ltk de fe w2t kyasy
مصعب:
دائما كلامك يبعث على الامل يا مصعب والله..متشكر يا باشا...وشكرا قوي على اغنية انا طير في السما على البلوج بتاعك...كان واحشني زمانها وانت فكرتني بيه
ehab:
ya bash elmwag3 kl yom btt2lb lw7dha...mt7ssnesh eny ana elm3l2a ely bt2lbha...lol,we zy manta 2lt heya de 7yatk mix zkryat..klna mdroben fe elkhlat "3la fkra ana knt b2ol elb2 da dayman 2bl bo7a"..lol
hobs:
thx ya sh2ee2 wlahy....lama tr7m nfsk enta elawl mn gld elzaat ely enta feh da..hr7mk.....loooooooool
nour:
متشكر قوي...اخجلتم تواضعنا...اهتم بالارشيف ده..ده دليل تقدمك واهم ما تملك من ذكريات...وشكرا تاني على رايك
أد ايه جميله ومليانه مشاعر قويه اوى
عجبتنى اوى
نفسى مره أقفل جفونى
القى فيهم ضلمه عادى
مش كل ما اغمض عيونى
القى نور عنيك قصادى
يااااه علينا لما بنحب
يا خسارته اللى بيفقدنا وبيخسر مشاعرنا الجميله دى
بجد تحفه
فوق الرائع
هل توجد كلمة
مثلا اروع
لا اكثر
ممتاز
لا اكثر
فعلا لا توجد كلمة توصف تقديري الحقيقي لكلماتك ال....
الي الامام
--
اقترح ان تقدم هذة الكلمات لاحد الملحنين فهي تستحق الغناء
حتى صورتك في المطر
شيلي صورتك من السحاب
قلبي من دمعه اتفطر
لما شافك في الكتاب
_______________________
شيلي ريحتك من هدومي
بطلي تبقي انتي يومي
كوني ولو مرة سراب
_____________________
بجد مش عارفة اقولك اية غير اني حسيتها وحسيت يعني اية تقضي نص عمرك في حاجة عمرها ما اديتك قد ما انت اديتها .. بس اية حكاية الصور اللي في الكتب
خليتني اقوم اجيب الكتاب واطلع الصورة واقرا اللي مكتوب وراها وادي الضغط علي يا سيدي
خلاص
عاجبك كده:)
كلامها تحفة يا حامد بجد
وشيلي ريحتك من هدومي
يااااااااااااه .. بجد عبقرية فعلا بغض المظر عن رأي اميره
loooooooooooooool
شبح ابتسم لك ..
في حياته ما اترسم لك
كل ده عشق بصحيح
ولا كان نايم جريح
عمره اطول من تاريخ الحقيقة
زي نار بتشيل حريقة
(رجب الصاوي)
دي مني ليك
بطّلي تبقى انتي كوني
كانت وستظل
متهيالى فى البيت ده مكمن السر،
فى رحلة الحياة بنمر بتجارب بتتحفر جوانا، ومهما سنين تروح واخرى تيجى برضه بتفضل معلمه لانها كانت صادقة قوى وكنا فيه نفسنا، بالمناسبه مش كتير بيعيشوا دهن وممكن ماتقابلوش تانى، او تقابل جزء منه وتفضل برضه مستغرب ليه لسه محفورة جواك....
بالمناسبة
ياريت كل اللهلفطه تبقى كده
عجبتنى القصيدة وجدا، لبساطتها والاهم صدقها
تحياتى
نفسي مرة اقفل جفوني
والقى فيهم ضلمة عادي
مش كل ما اغمض عيوني
القى نور عينك قصادي
7lwa 2wii kolha..bs el part da 2kthr mn ra23
the words r so innocent, and I can feel them..
and yeah, there r things we remember and wonder how we spent all that time thinking about them, yet we still feel the heat of the emotions back then,and...
and smile :)
حنين:
انا بشكرك قوي على احساسك الرقيق ده بالكلام...وواضح من كلامك انك من نفس نوعي اللي لما بيحب للاسف بيحي بجد....ربنا يرحمنا بقى....مرسي قوي على رايك واختيار للجزء ده ووجود تعليقاتك اللي بيسعدني..واسمحيلي اقولك اني البلوج بتاعك هايل
:كلبوزة لكن سمباتيك
طب اشكرك ازاي بعد كل الكلام الحلو ده...اخجلتم تواضعنا...بالنسبة لموضوع الالحان ف"الصحبجية" فالوقت الحالي هم من يجسدون كلماتي...واقتراحك ده خلاني افكر اديها لميشو (محمد اسماعيل)ملحن الفرقة..ونشوف ايه نظامها..شكرا على اهتمامك
LAMIA MAHMOUD :
اللي طايلني طايلك يا لمي....معلش اذا كنت قلبت عليكي المواجع ..اللي انا عارف انها متقلبة جاهزة دي...انا متشكر قوي على رايك واختيارك لحتت تبين انك فعلان حاسة الكلام
وكله كوم...وشكري على الكلام اللي بعتيه كوم تاني...تحفة...تحفة فنية..ولازم تجيبيلي حاجته الله يخليكي..مستني
بعدك على بالى :
يا سلام على الكلام الجميل..."اقابل جزء منه"..معاكي حق..هو نحت واتنحت فينا وخلاص والباقي هيجي مع الزمن..رغم اني ساعات بعتبره ضعف..لكنه واقع...سيبك منورانا بتعليقك..ومتشكر قوي ومبسوط اني الهفلطة عجبتك
shaimaa said:
nice part elly ekhrteh..we thx awy ..mtnsnash bur comments dayman
hurricane_x said
that what exactly happened with me...the heat of an old emotion...m3 7abet 7agat tanya kter....nice enha 3gbtk we 7setha rghm bsattha..thx
Epitaph :
shofy ya setty..b3d shkran tb3an we eny ur comments nwrtna bgd....
elstr el7 7asal 3leh modification hwa da
مش كل ما اغمض عيوني
القى نور عينك قصادي
3gbtk el2btsama aked..3shan fhmteha...aw etrsm zyha 3la weshk 2bl kdaaa
رائعة
بجد احاسيس وهمية بتوصل للقلب زى السهل الممتنع
بس الابيات دى بالذات حلوة قوى
حتى صورتك في المطر
شيلي صورتك من السحاب
قلبي من دمعه اتفطر
لما شافك في الكتاب
***
نفسي مرة اقفل جفوني
والقى فيهم ضلمة عادي
مش كل ما اغمض عيوني
القى نور عينك قصادي
bezzabt, the words are still innocent...abl mayed7'ol feeha koool elset seneen elly fato
حتى صورتك في المطر
شيلي صورتك من السحاب
3agabetny di ya she22o
kan 3anda 15 sana???
el3aaab ya 3m elmorahek
carmen:
سهل ممتنع!!!..ده كتير قوي والله..انا متشكر ليكي قوي على رايك الجميل ده...وسعيد انها عجبتك والابيات دي بالذات كمان برضه
elsede3':
ana tool 3mry bree2 bre2 ya badus....thx ya sh2ee2 awy..we belnesba llmrahka msh h3l2...lol,,,enta 3arf ely feha
نفسي مرة اقفل جفوني
والقى فيهم ضلمة عادي
مش كل ما اغمض عيوني
القى نور عينك قصادي
........
جميييييل اوى
تحياتى
the transparent mask:
nwrt elmdwna..we thx awy 3la ur comment....s3ed enha 3gbtk...i ll check ur blog now cause this is the first time i see ur name...welcome to my world
This comment has been removed by the author.
eh daaaaa!!!...hwa enty ya bent...with a new name..this one is better 3la fkra...thx for the comment
eyhhhh dahhhh wahmeya begad to7fa feeha sedk we bar2a alebt 3lya el mawge3 :'(
nehal:
thx so much..madam 2lbt elmwag3 yb2a ely feky fya aked..rbna ytwla amsalna klhm...thx so much for ur comment
gamela awiii
3agbtni elfekra beta3etha moot..a7ayeki ya gamela
اشكرك كتيير على رايك واحساسك العالي...واني جميل بقى مش جميلة على فكرة
تحياتي
اولا السلام عليكم ورحمه الله وبركاته بجد مش عارفه اقولك ايه احساسك عالى اوى على فكره انا اول مره اقرا على البلوج عموما واول حاجه قريتها هى قصيدتك دى وهى اللى شدتنى ان اقرا حاجات كتير انت كتبها برده بس بجد انت احساسك حلو اوى وانا بجد مبسوطه ان انا عرفت البلوج بتاعك وبقرأ القصايد بتاعتك كمان وربنا يوفئك وتبقى حاجه كبيره فى الشعر ان شاء الله بطه البحر
بطة البحر:
وعليكم السلام
والله مش عارف اقولك حاجة..غير اني كلامك ده كتير عليا قةي وفرحني قوي..وانا اسف اذا كنت اتاخرت على الرد لكن على ما شفت تعليقك
بشكرك قوي على احساسك بكلامي..وعلى زيارتك...ويسمع من بئك ربنا وابقى نص شاعر كبير حتى
lol
تحياتي ومنوراني
Post a Comment
<< Home