Friday, February 16, 2007

عيد الحب..والشهيد تامر حسني

كالعادة من ساعة ما عملت المدونة دي..وانا كل اما اجي اهنيكم بمناسبة...يطلعلي حاجة..تمنعني من التهنئة..معرفش ده اسمه..ممكن حظ سيء مثلا...

المرة دي كنت ناوي اكتب تدوينة عن عيد الحب..واشارككم لحظات جميلة سواء لو احتفلتم بيه او محتفلتوش زي معظم الناس اللي مبتعترفش بيه..او فركشوا من فترة بسيطة..ومعرفش ايه حكاية الانفصال والفركشة السنة دي..سواء كانت رسمي ولا مش رسمي..مش موضوعنا

انا نويت احتفل معاكم يعني هاحتفل...وفعلا كتبت درافت لتدوينة عن الفالانتاين...وليه اتعمل..وزاي ممكن نحتفل بيه..حتى لو مش مقتنعين...كنت اقصد يعني اننا نتلكك..وندور على حاجة تفرحنا...وطبعا اول ما افكر في حاجة تفرحني..من البديهي جدا معايا انا بالذات يطلع 100 حاجة تخليني مكتبهاش..وكان القلم حالف عليا ليفضل كئيب كده..المهم...حصل حاجات كتير بدات بامتحان..وانتهت اني النت متعطل واني بكتب دلوقتي الدرافت ده عشان اول ما يتصلح انزل على المدونة

طب هتسالوني طالما التدوينة مش على عيد الحب..تبقى على ايه؟..شوفوا..هي على تامر حسني....انا مش بهرج على فكرة...هي على تامر حسني فعلا..بس مش على الشخص اللي اسمه تامر حسني..هي على ظاهرة لاحظتها مؤخرا...واتاكدت لي عن طريق الخطأ...بس انا قبل ما ابدا الكلام عايز اعمل مجموعة اعتذارات


انا بتاسف اني هاطوّل عليكم شوية في الكلام..لاني عايز احكيلكم حكاية كده..ده غير اني بقالي فترة غايب..فاكيد انا وحشتكم..زي ما انتم واحشني بالضبط

و بتاسف للناس اللي مستنية حاجة ذات قيمة على مدونتي كالعادة..وهيتفاجأوا اني بكتب عن تامر حسني..ودول بقلهم اتقل للاخر وهاتفهم انا ليه استفزيت اني اكتب الموضوع ده

وبتاسف للي بيحب ..هذا التامر "وهذا التامر دي للتقليل"...انا بعتذر لكم..انا ساعات بحبله اغاني..من وقت للتاني كده بتقع في طريقي..زي حضن الغريب مثلا...بس ده مش معناه انه يزيد عندي عن مطرب مبتدا..امكانياته الصوتيه والعقلية كمان محدودة..وممثل سيء ايضا...يعني متزعلوش مني "ده بالنسبة للي بيحبه يعني"...بس ده راي


وكمان عايز اتاسف لكل الشباب اللي انا وصفتهم مفتقدين للقدوة..في تدونة سابقة ليا...
التدوينة اهي
http://m-rashed.blogspot.com/2006_10_01_archive.html

كانت عن جيفارا واللي بيقلد جيفارا..واللي بيلبس لبسه او يحط صورته وهو مش عارفه....انا بعتذر للناس دي يا جماعة..لاني اكتشفت انهم على راسي من فوق...لاني لقيت ما هو اسوا واضل...لقيت اللي بيقلد ويلبس لبس "تامر حسني"...ولقيت اللي بيعيط عشان يحضنه..واللي راحله المحكمة..واللي صممله موقع....انا اسف يا مقلدين جيفارا..انتم الصفوة...ومستقبل مصر الحبيبة

واسف وبلوم نفسي..اني الصدفة والقدر وجهوني اني اروح حفلة الشهيد تامر حسني...عن طريق الصدفة والله...انا انبسطت وضحكت..لاني كان معايا اصحابي..بس اضايقت من اللي شفته

وفيه اعتذار واجب للفنان تامر حسني نفسه....لاني فعلا مش مضايق منه كشخص..انا مضايق من الحدث...اي حد مكانه يلاقي ناس تافهة كده وميستغلش الموقف يبقى غبي...انا اسف يا عم تامر بس أي تريقة في التدوينة دي لاني متغاظ بس من حال الشباااب

واخيرا وليس اخرا...انا اسف على شبابنا اللي وصل لمرحلة من التفاهة..لم يصل لها من قبل..وانا مش بعمم والله...بس على الاقل الاقل...اسف على ال 40000 مثلا اللي كانوا في حفلة تامر يوم عيد الحب


انا خلصت الاعتذارات كده اقدر احكيلكم ملخص الحكاية براحتي...الحكاية بدات في اليوم السابق لعيد الحب...لما قلنا انا واصحابي ..هتعملوا ايه بكرة؟
وقلنا مش عارفين وكانت في اقتراحات اننا نروح حفلة..وسالنا على الحفلات..قالولنا تامر..قعدنا نتريق ونقول "وحشتنا يا تامر"..ودي بكم دي ان شاء الله يا جدعان؟
جنيه 50
ايه..ده انا لو تامر جه يغنيلي في البيت مش هديله 50 جنيه...ده غير انه كمان خنقني بعد حوار القضية..بس ده مش موضوعنا..مش هو ده اصلا اللي ادفع أي حاجة عشان اروح حفلته..او ممكن 10 جند مثلا..وقعدنا نضحك
خلاص يا عم احنا ننزل ونتمشى وخلاص وممكن نبقى نبص بصة
قشطة براحتكم.. انا معاكم يا رجالة

مساء اليوم التالي...تليفون من محمود
انت لسة نايم..قوم يا عم..الشباب جاية و خارجين كلنا..
فل انا ساعة الا توت كده وهابقى عندك

اتجمعنا...ورحنا مدينة نصر...هتعملوا ايه؟..
نبص عالحفلة
نبص على ايه ما حنا قلنا اللي فيها
يا عم نشوف ايه النظام.....لقينا حوار دخلنا بيه ببلاش....وطبعا كلنا قلنا قشطة...حفلة وجت ببلاش ان شاء الله مين جوه..نبص بصة..ولو وحشة هنمشي..امين يا عم؟...آمين

دخلت الحديقة الصينية لقيت ناس قد اللي كانو في حفلة اس او اس 3 مرات مثلا ومعلوماتي بتقول اني الاس او اس حضرها 12000..يعني البشر دي حوالي 40000 مثلا
قشطة..وحشتنا يا تامر...وضحك متواصل..ولكن المفاجاة بقى اني الحفلة كلها كانت على طريقة "وحشتنا يا تمور"
انا عشان طولت قوي هالخص اللي شفته في عدة مشاهد كده

* بنت منهارة وبتعيط بالدموع وبتترجى البودي جارد اللي جنب تامر على المسرح انها تطلع تحضنه...ولما تكرم تمور وشاورلها انهارت بالدموع في حضنه

* بنت اخرى نفس الحوار من غير دموع..نفسها تبوسه..ونالت الفرصة العظيمة واستطاعت تبوسه في كل حته تقريبا

* المصيبة جت بقى..واد شحط..يعمل مني 15 واحد...كان نفسه يحضن تامر برضه...لا انت اكيد بتهرج!!
والله ده اللي حصل..قولولي ليه..هو تامر ده بيعملك ايه لا مؤاخذة..عشان ابقى في الصورة بس

* هدايا متواصة..سكارفات..وورد ونضارات..بتترمي تحت اقدام تامر..ولما اتلمت الناس وبقوا بيضربوا بعض عشان يوصلوله..ويشدوه من البنطلون..ايوه من البنطلون...الجاردات كترت وبقوا حوالي 20 محاوطينه..زي اللي حاوطه الرئيس كارتر في فيلم "في خط النار" بتاع كلينت ايست وود كده

* شاب مكتمل الرجولة تشوفه يشرح قلبك..طلعله عشان تامر يمضيله على القميص
اللي هو لابسه؟!!..يا نهار ازرق
ايوااااان..اللي هو لابسه حضرتك والله
فعلا الرجالة ماتت في 73...والاقصي اللي بيتهد ده...لو متهدش يبقى من ستر ربنا بس علينا مش حاجة تانية ..خالص

* تامر يخبرنا..انه هيفتح محل هدايا بهدايا محبيه...اللي ممكن يفتح منه محلات لو باع فردة الكاوتش بتاعة الهامر اللي راكنها برة..انا مش بقر يا تمور..بس بقول اني الناس اللي جايبهالك معرفش بتفكر ازاي...انزل !!واوضب هدية عشان تامر..صبرني يا رب..وبعدين يخبرنا انه بيشكر كل اللي وقفوا جنبه في الازمة..وكل اللي مصدقوش انه كان ضحية..وبينصح الشباب..انهم ميثقوش في حد تاني..عشان ميتخدعوش زيه كده...وبيشكر الناس اللي عملت تامر لوفرز
محسوبكم يسال؟ ...ايه تامر لوفرز ده
ترد عليا بنت قدامي ..ده موقع تامر على النت اللي الشباب عملتهوله وهو في السجن....وكانها بتقولي يا جاهل
قلتلها بنفس العبط اللي كلمتني بيه..فعلاااااا..الله..ما انا لازم ابقى شب فالانتين بقى

*تامر يجيلوا فنانين كتير طحن يحيوا في الميكروفون ويمشوا..ويعمل دعاية لفيلمه الجديد..واخيرا تامر بقى انترناسيونال..وبيشكر الناس اللي جتله من برة مصر عشان الحفلة..ودي حقيقة

* الحفلة انتهت وبيجروا بتامر..وبيضربوا الناس اللي نفسها تحظى...ببوسة او حضن من تامر...وبيرموهم بعيد عنه..وهما بيجرو عشان يوصل لسيارته الهامر السوداء ...

* تامر يطير بعربيته..والناس وراه...يمكن تلحق شوية من البركة...واخيرا ابص حواليا...الاقي ناس كتير طحن..على الاقل انا شفت منهم ستة مثلا...عاملين لوك تامر....نفس التسريحة....نفس اللبس...نفس الحزام...نفس الذقن الخفيفة


وفي النهاية لا تعليق غير اني في جملة طرات على ذهني وانا مروح
فعلا...اللي مالوش قدوة.....بيشتريله قدوة...وانتظروا مني قصيدة في هذا الصدد
لاني اما القدوة تبقى..فنان مبتدا..اخطا في حق نفسه وفي حق بلده....يبقى لازم يبقى لنا وقفة...وناخد كلنا صورة سوا....يا زمن صورنا..انا حطيتلكم الغنوة على المدونة..اصل حسيت اننا محتاجنهااا


كان معكم مراسلكم محمد حامد من حفل عيد الحب الذي احياه الملا" تامر حسني"


* حاجة اخيرة..كل عيد حب وانتم طيبين ومصر طيبة كده..وشعبها طيب...بس يكون حالتنا احسن من كده...يعني اللي قدوته وقعت في الشارع منه..ربنا يكرمه..ويلاقيها...وان شاء الله..هتشوفوا كلامي ده السنة الجاية..انا مؤمن اني الحالة هاتتصلح..اكيد هاتتصلح..عشان احنا غلابة والله
----------------
--------
تحديث سريع
لقيت في مدونة الصديق شارم..هذا البحث الرائع عن جيش مصر
وكانه بيرد عليا..لا يا عم الرجالة لسة موجودة...ممكن تشوفوا بنفسكم الفيديوهات....تحيا مصر بجد ومتشكر يا شارم على انك رجعتلي بسرعة جزء من الامل المسلوب...لاني الدولة الي بيحميها جيش زي ده..مايتخفش عليها....ربنا يحميهم...وتحيا مصر كمان مرة

48 Comments:

Blogger smraa alnil said...

بص بقي يا حبيبي
وطبعا حبيبي دي عشان انت اخويا
ههههههههه للناس تفهم غلط ولا حاجة واقطع برزقك
هههه

طول ما في البلد ناس زيك وزي غيرك مش عاجبهم الوضع دة يبقي في رجالة

بالنسبة لتامر انا مش هتكلم عليه اصلا لانه لا يستحق التعليق

بالنسبة للبنات فمش عارفة انا لما بشوف بنت زي دي والله بحس برجولتي ادامهم

ومش ببقي عارفة العيب في مين ولا ليه
هل البنت مفتقدة الحب فبتلاقيه في فارس احلامها
اللي هو اي كان ان شالله يكون حتي بعرور مع اختلاف اثقافات

ولا هي مش لاقية الحب فبتوهم نفسها انها عاشقة لذلك الفنان بحق

بص

وانا في المدرسة كانت ليا مدرسة انجليزي اسمها منال

مش فاكرة انا كنت اد ايه بصراحة
المهم
المدرسة دي كانت مليانة شوية بس انا كنت بحبها
وكان عندها 28 سنة وكانت هتمووووووووووت وتتجوز
وفي مرة كنا بنتكلم فقلتلها يا ميس انا بعشق كاظم الساهر
لقيتها اتنطتت
باختصار قالتلي لا انا بحبه فعلا
فقلتلها وانا كمان
قالتلي لا يا انجي انتي مش فاهماني
انا بحبه الحب اللي بجد
قلتلها اللي هو يعني تتمني انك تتجوزيه
قالتلي ياريت

بغض النظر عن حبي لكاظم واحترامي لشخصيته
بس في اشاياء اخري تجبرني اني اتاكد انه يكون ليه مساؤى
ايه اللي يخلي واحدة زي دي الله يرحمها لاني عرفت انها توفت من كثرة عمليات التجميل عشان نفسها تتجوز
انها تعشق شخص بالصورة دي وهي بتبقي عارفة انهعلي اقل تقدير لو هنجاريهم في حبهم ان هو مش ليها

تفتكر انت ايه
هيافة بنات
فراغ عاطفي
فضا وقت
حرية زايدة من الاهل
ولا مفهوم خاطئ عن الحب
ولا افتقاد لاي قدوة والسلام لفارس الاحلام

يا لهوي لو فارس احلام كل البنات يبقي تامر حسني دة انا علي كدة انتحر بقي

نيجي بقي للشباب

الاقيلك شاب من دول مفتول العضلات وعريض المنكبين
وعلي وشه كدة هيبه تقولش حزب السياسات في الحزب الوطني
ولابس قميص نص كم محشور في العضلة اللي في ايده لا عايز يطلع ولا ينزل
والنضارة السودا
والشعر المنكوش الجل
والبنطلون الساقط
وزراير القميص مفتوحة
وهذا المنظر بيكون صيف او شتا كناية ان الواد بيس ومش همه الساقعه
وبيمشي بقي واثق الخطوة يمشي ملكا

طب دة اسمه ايه
دة هيعمل ايه
في حين ان في شباب رجالة ممموووت

في احصائية انا لقيتها عندي لاني انا اللي عملتها

بحكم شغلي ودراستي والاماكن اللي اشتغلت فيها لاحظت بجد شئ غريب

الناس اللي معاها فلوس اوي هي اللي بتبقي زي الشاب لكرنب اللي قلت عليه من شوية
واللي مش معاه يجب النضارة اغالية ولا لكوتشي اديداس ولا يضرب شعره جل ولا قادر علي تمن ال ام بي ثري اليل بالالف
بيكون راجل
تفتكر بجد مين السبب في دة
الروف المادية
التريبة الصح الي اتربي عليها بحكم لالقصور في المادة
ولا الدين لانه مقارنة بغيره من الناس دي فقير ولا يملك غير الدعاء لله
ولا ايه بالظبط

الحل فين هل هو فعلا الافتقاد للقدوة

صدقني ابدا

انا عن نفسي واحدة من الناس وانت عارف قصتي كويس اوي
مش كنت لاقية قدوة سليمة وصحيحة توحد ربنا عشان اكون زيها
فاختارت اني اكون نفسي
سيبك بقي من المشاكل اللي بتعرض عليها والحوارات ولقرف دي
اللي جاي اهون بكتير من اللي راح

بس كل انسان بغض النظر عن التأثر بشخصية فرد اخر او تفكير وفكر فرد اخر
كل منا يتسطيع ان يكون قدوة نفسه

انت مثلا

انا شايفة انك فعلا قدوة نفسك
ليك فكرك وليك حريتك واحساسك

انت الي اخترت وانا كمان اخترت وكلنا اخترنا

اخترت طريقك اللي تعبر عنه

يبقي بجد اللي ناقصنا تلات حاجات

الاول

ان الناس دي بجد تعرف ربنا وتعرف يعني ايه دين
بغض النر عن نوع الدين مسلم كان او مسيحي
لان اتباع كل منهما علي حسب دينه يقوده للحياة ببساطة وبعقلانية

التاني
العقل

لازم بجد نفكر في حياتنا وبلاش السطحية في تفكيرنا

مطرح قضية معينة ونتكلم فيها مش لما تسال شاب ايه رايك ي قضية الفلسطنينين
يقولك ان شاء الله القدس هترجع لينا
وكان الله بسر عليم

التالت بي هو احتكاكنا بالحياة
بمعني اصح المرمطة
خلي واحد منهم يتمرمط في الموصلات الصبح اي كان نوعها
خلي واحد يتمرمط في انه يدور علي شغل وهو مش ليه واسطة
خلي الواحد يتمرمط علي لقمة عيش يسد بيها جوعه مش شرط انه يكون فير
بس لو احتك وعامل البشر من سفير لزبال
هيعرف ان الحياة مش تامر حسني خالص
والفلوس الخمسين جنيه دي وفرها لشئ تاني بدل ما يروح لوحشتني يا تمور

حسبي الله ونعم الوكيل

ثانيا

بقي
ايه حكاية انتو منظرين حاجة مني قيمة

بص يا ابني
المدونة دي هي محمد
شخصية محمد قلب محمد احساس محمد وفكر محمد
اي كان الي بتكتبه فهو بيعبر عن فرك واحساسك وطموحك
الحياة مش كلها شعر يا هندزة
اكتب عن اي شئ تشوفه
واي شئ انت بتكتبه بيعير عنك فهو فعلا قيم

يا لهووووووووي
انا رغيت كل دة
معلش بقي يا ابني اصل الجلاله خدتني لما اكتشفت اني اول واحدة
فركش

5:32 AM  
Blogger smraa alnil said...

علي فكرة
انا زرتك قبل مانت تقولي
اصلي لسة قارية تعليقك دلوقتي
كنت جيت عند ورغيت كل دة

5:56 AM  
Blogger frozen love said...

smraa alnil:

اولا انا مبسوط قوي انك كتبتيه التعليق ده..من قبل ماتقري تغليقي عندك..دي حاجة خلتني بجد مبسوط

والله يا انجي يا حبيبتي "اخوّة برضه والله..لاحسن موضوع الرزق ده مهم فعلا ههه.. وربنا يعلم معزتك عندي يا بنتي ..كاني عارفك من زمان قوي"


انا كل مرة بتثبت من تعليقاتك...انتي مش بس قلتي كل اللي كان نفسي اقوله او يوصل من التدوينة دي...لا....دا انتي حللتي الموضوع ككل بشكل موضوعي جدا جدا جدا..من هنا لبكرة


النقط اللي انتي كتبتيها تلخص بالضبط المشكلة..المشكلة فعلا مش بس افتقاد القدوة..لا المشكلة في الظروف اللي ودتنا للحالة دي...الظروف اللي قلبت الموازين وهزت الصورة قدامنا...صورة كل حاجة..احلامنا وبلدنا وتقاليدنا وقدوتنا

وانتي جسدتي الظروف دي فعلا...في التلات نقط دي بالذات
الدين
العقل
الخبرة

انا ممكن اضيف على كلامك الرائع ده...الوسائل نفسها..يعني نفسي اقول ازاي نوزن بينهم...ازاي نقدر نوصلهم...الحل في الثقافة عموما

مستوى الشباب المتدني في الثقافة هو الماساة...لو في قراية لو في ودن نضيفة بتسمع لو في دماغ فايقة من المخدرات تعرف تفكر..كنا هنقدر نوزن بينهم فعلا

كنا هنقدر نحولهم لطاقة نفجر بيها اللي الاحلام اللي جوانا

والموضوع ده شرحه يطول فعلا..اعتقد اني في تدوينة ان شاء الله هاكتبها اقول فيها رايي واسمع ارائكم

واحيرا بجد بشكرك على التعليق ده من كل كل قلبي يا سمرااء
يا رب تنوري المدونات كلها كده على طول

6:11 AM  
Blogger frozen love said...

نسيت اقولك يا سمرا ولكل اللي هيزوروني بالتعليق ان شاء الله

كل عيد حب وكلكم طيبين وكلكم بتقولوا اللي جواكم كده في مدوناتكم الجميلة دي

يا رب دائما في سعادة مش اي حاجة تانية

6:14 AM  
Blogger Sharm said...

frozen

تامر ده اصلا انا كنت ناوي اعمله تدوينة مخصوص بس كويس انك سبقتنى شوف يا سيدي

ده واحد غنى اغنية وطنية للبلد و قال فيها

عايزة الادين تعلي و ادين لفوق تصلي
و عيون صاحية تخلي بالها من ارضها

هو اول واحد غمض عنيه و نام و هرب من الجيش ابن الجبانة

جوايا كمية شتايم بس احتراما للمدونة بتاعتك مش هكتبهم

شكرا حبيب قلبي على اللنك و يتردلك في الافراح يا باشا

9:44 AM  
Blogger Sharm said...

على فكرا يا سمرا تعليقك حلو اوي

لا مواخذه يا محمد

9:53 AM  
Blogger Utopian said...

لما كنت في
SoS
سألت صاحبي
تخيل يوم تامر بأه الدنيا هتبقي عامله ازاي
كنت متوقع المهزله

حاجه تكسف
بس متوقعه من ايام المحاكمه و النلس اللي كانت بتجري
ورا عربية الترحيلات

كان نفسي تدوس حد فيهم والله

بس انا برضه يا اخي مش عارف ليه متفائل و ان شاسء الله بكره احسن

تحياتي

10:22 AM  
Blogger Nohaz said...

ضحكتني والله

عموما مش مصر بس
اتفرج علي سعد الصغير الي بقي يسافر يحي حفلات في الاردن و تذيعها الفضائية الاردنية كمان

و شريين وجدي الي جوزها هو سبب شهرتها بفلوسه و الي اتحكم عليه ب 10 سنيين و اتفرج برضك عاملين لها زيطة و حفلتها في الاردن الشباب كان هايص عشانها


يعني عبد الحليم و ام كلثوم كان علي الاقل بيقولوا كلمة عارف و مع كده برضة اتهاجموا الاتنين في فترة
مع ان ام كلثوم الكل عارف انها كانت بتلم و تعمل حفلات ايرادها للجيش
و تجمع تبرعات من معجبيها للجيش

ربنا يهدينا كلنا

11:08 AM  
Blogger mano said...

صدقنى انا مبسوطه ان لسه فى ناس زيك
شايفه ان الموضوع ده غلط

انا كنت بشوف الناس ايام محاكمة تامر حسنى بتموت نفسها من العياط
و مش بس البنات لأ و الولاد كمان
دول معملوهاش ايام محاكمة الصحفيين
و تلاقى ناس تقولك اصل تامر ده عم الشباب
ازاى يعنى؟
غير مظاهرات بنحبك يا تامر
و نفديك يا تمور
و كل ده و هو مزور شهادة الخدمه العسكريه
دول تقريبا لم يحتفلوا برأفت الهجان كده

ده طبعا غير كل ما تمشى فى الشارع تلاقى بانرز بنحبك يا تامر

يعنى لو حد مش مصرى و ميعرفش تامر و شاف اللى بيحصل
هيتصور انه زعيم شعبى مثلا
او حاجه زى كده

كفايه كده انا لو كملت هحكى للصبح

المهم كل ده و نسيت اقولك كل سنه و انت طيب

11:30 AM  
Blogger hebaz said...

على قد ما وجود العدد دة و شباب بيتصرف بالطريقة دية يدل على هيافة و سطحية شديدة على ما قد أن وجود تدوينة و رأى زى تدوينتك و رأيك يدل على أن لسة فيى خير و لسة فىة عقل و رجولة
الشباب اليومين دول هايف و سطحى و بيقلد الغرب تقليد أعمى دون أدنى وجود للوازع الدينى و الأخلاقى و أعتقد أن الشباب دة لو عندة هدف فى الحياة يسعى لة و لتحقيقة غير البنات و الروشنة و و الى أخرة مكنش دة بأة حالنا
و أكبر دليل وجود برنامج زى ستار أكاديمى مليء بالعرب من الجنسيات المختلفة و نازلين فى بعض بوس و أحضان و أرف على شاشات التلفزيون كأن الحياء أنتهى من حياتهم و فى نفس الوقت الأقصى بيتهد!
طب أقول اية؟!!!
بس برضة الأمل موجو لأن الخير فى و فى امتى ليوم الدين
و ربنا يديم علينا نعمة العقل

2:32 PM  
Blogger tazart said...

شكرا

2:45 PM  
Blogger OMA said...

ena lelah w ena elayh raje3on..rabena ya3awd 3lena !
bos ana besra7a ba7eb tamer..bas 3omri ma a7tlo poster fe odty wla aro7lo 7afla wla batmna ashofo aslan..la2eni ba7eb tamer elly elamfrod yet7b..elly howa elmo3'ani
la2en da elly a3rafo 3no..a3'ani 7elwa w sot 7asas..laken mosh ba7eb elsha5s
el nas ba2a elly enta betetklm 3anhom dol ma3 e7tarmi..bas 3andohom fara3' fe nazri..ah wlahi 3anhom fara3'..mafesh 7aga fe 7ayathom yehtamo beha 3'er tamer w dema3'hom fadya ledarget enhom yemloha betamer..el nas de mawarhash 7aga te3mlha wla eeh !!

edaye2t men tamer 3ashan beyseb elbanat yebosoh w yo7dnoh !!!
bas loh 7a2..howa aked masad2 :D
mo3gaben ok w mosh 3ayez ye5asrhom mashi bas mosh ye7donhom w yeboshom eh el habl da !
el banat elly 7aket 3anhom dol feh menhom kter awiii..bas walahi ba7es enhom 3andhom fara3'..fara3' 3atefi w 3amli w kol 7aga,nas begd fadya !
El nas de walahi bets3ab 3alia awi..rabena yeshfehom

a7ayek 3la regoltak ;)

any way sebk enta..HaPPpy valentine's day :)

2:57 PM  
Blogger Maat said...

looll

rabena yezeedak tafa2ol 3ala elly 3andak. ana law kont shoft el manzar dah.. ba3d el de7k tab3an elly had7ako... kont hakt2eb!! heya de elshabab ya fandem!! eh el neela de?

bas all that was pretty much expected lel asaf men sa3et mat7abas!

happy valentines anyway :)

4:09 PM  
Blogger hOby said...

al toboso w to7dono al!!!!!!
ana aslan el banat ba2om yestafezony gedan el yomeen dool te7ess fe3lan msh 3arfeen homma 3ayzeen eh wla homa mawgodeen leh aslan.. wana m3lesh mo7tada 3la el banat aktar men el awlad 3shan fel a'7er el banat aw el omahat ba2a heya elle betrabe sawa banat aw awlad!
heeeeeh begad rbena yenagena ya hamed.. ra7meto wase3at kol shee2!
w fel 7alat de a2olak
Habby Falantine :D
'shaklak mazortenesh men fatra'

5:03 PM  
Blogger eskandrany said...

يا باشا و هى البلد راحت فى داهية من شوية....هى المشكلة انت لخصتها فعلا...فى بلد مافيهوش حد ناجح و متسلط عليه الكاميرا غير المغنيين و لعيبة الكورة(مع احترامى للكثيرين من دول و دول) لازم تلاقى ناس بتعمل الهيافة دى
و على رأي
sharm
اصدقه ازاى و هو هربان من الجيش
على فكرة البحث بتاع الجيش رائع
المهم
سيبك يا عم من كل ده و كل سنة و انت طيب
و لسه فيه امل فى البلد و الدليل المدونة دى و الردود اللى مكتوبة عليها
على فكرة انا اول مرة ازورك بس بجد انا مبسوط اوى يا ريت تشرفنا فى البلوج بتاعى
و سمراء النيل عندها حق انت بتعتذر على ايه ده موضوع مهم جدا
ايووووووووووووووووووووووووووه
سلام

9:00 PM  
Blogger Ehab said...

ايه يا عم
بتكره مللك الجيل ليه
:(
انت قولتها حكمه و خلاص
اللي مالوش قدوه يشتريله قدوه
و بعدين ده الطبيعي
40 الف في حفله عيل صايع هربان من الجيش و مافيش امام جامع حتي بيستخدم صوته في الدعاء للمسجد الاقصي
احنا في زمن المسخ يا معلم
و معلش مش كنت بارد علي الكمنت بتاعتك الجميله عندي كنت في المشروع باتظبط
و لنا الله

9:08 PM  
Blogger hurricane_x said...

طبعاً أنا مؤدب زى ماكلكم عارفين :),
بس الكائن ده "تامر" بيستفز قاموس الأباحة اللى جوايا وبيخلينى بطلع لحوايس من الدرر الثقيلة,
ماعلينا بقى
concerning the post of "sharm"...I recommend checking it, at least 10 times a day, by all of the sissy (so called) males out there (tab3an kollena 3arfenhom)!

9:16 PM  
Anonymous Anonymous said...

السلام عليكم يا جماعه اولا عايزه اقول ان انا بحب اغانى تامر اوى وبحب احساسه بالكلام اللى بيغنيه بس مش بحب تصرفاته وتصرفات اللى بيحبوه لان دى فعلا هيافه زى ما قولت يا محمد بس ياجماعه احنا برده المفروض نعزر الشباب دى لانهم فعلا فاضيين ومش لاقيين حاجه يعملوها غير كده الواحد من دول لو عنده هدف او عنده شغل مثلا هيرجع مهدود منه وهينام ومش هيفكر فى الهيافات دى بس زى ما احنا عارفين مشكله البطاله وطبعا الافكار اللى بتدخلنا عن طريق القنوات الفضائيه هى اللى بتعمل فى شبابنا كده يعنى احنا منجبش اللوم عليهم لوحدهم طبعا اكيد فاهمين انا اقصد مين نلومه كمان بتمنى من ربنا انه يصلح حالنا وحال مصر كلها وحال شباب وبنات مصر ويهديهم ويفوق الناس من الغيبوبه اللى عايشين فيها .... معلش يا حماده طولت عليك وبشكرك اوى على الكلام ده وبتمنالك كل التوفيق وبتمنى لشبابنا كل الرجوله سلام بطه البحر

12:04 AM  
Anonymous Anonymous said...

اه نسيت اقولكواقولكم كلكم happy valintine ويارب تكون ايامنا كلها حب لانى مش قادره اوصفلكم اد ايه انا شوفت معامله الناس لبعضها فى اليوم ده عامله ازاى انا شوفت بعينى وجربت بنفسى محدش قاللى وكنت مستغربه جدا وقولت فى عقل بالى اشمعنى اليوم ده الناس بتبقى كويسه مع بعضها وبقيت الايام لا سورى كمان مره يا محمد انى طولت عليك سلام....بطه البحر

12:10 AM  
Blogger frozen love said...

sharm:

هو ده بالضبط اللي مجنني يا شارم والله...مش بس جري..لا ده جري والناس عملوه ضحية كمان...السؤال هو ليه؟...مستني اقرا رايك المفصل في مدونتك

وبالنسبة للينك..اللي يقلاا البحث الرائع ده..وميبقاش عايز الدنيا ملها تعرف المعلومات دي..يبقى مبيحبش مصر

بجد بشكرك عليه مرة تانية
وطبعا تعليق سمرا فعلا فوق الرائع كالعادة

تحياتي

ـــــــــــــــــــــــــــــــــ
utopian:

لا انا بقى ما كنتش متوق المهزلة دي خالص..بس حتى لما شوفتها...انا متفاءل اكتر دلوقتي..لاني لقيت ناس زيكم وده رايهم..ربنا يحميكم يا رب

___________________________________

nohaz:

والله انتي يا نهى منقية شخصيات تفور الدم اكتر فعلا..سعد ده والبت الرخمة دي من ضمن الناس اللي كنت بتكلم عليهم برضه....على رايك..الموازين اتقلبت.. فين دول من الفن الحقيقي


منوراني

2:25 AM  
Blogger frozen love said...

mano:

انا اللي مبسوط اني لسة في زيكم كده والله

صحفيين!!..قلبك ابيض يا بنتي..هما اصلا ميعرفوش اني في صحفيين بيتحاكموا..ولا طلبة معتقلين...ولا اقصى بيتهد


كوننا بقى نمجد واحد خرج عن اطار القانون والواجب والاخلاق..هي دي الماساة بعينها...على رايك زعيم شعبي فعلا..ما انت قلتلكم...تقليد جيفارا اكرم..على الاقل الناس برة عارفين مين هو جيفاراااا


منورة التعليقات يا قمر

ـــــــــــــــــــــــــــــــ

hebaz:

بالضبط يا هبة..وده اللي مخليني متفاؤل حبة..الميزان مختل..بس مش قوي قوي احقاقا للحق يعني..اكبر دليل ارائكم الرائعة دي في التدوينة...ستار اكاديمي ده بقى عايز...100 تدوينة لوحده..لاحسن لو سمعنم فيوم اني جالي الضغط..تعرفوا اني شفت حلقتين كاملين منه
lol

لامل اكيد موجود..ونجماية كمان جاية تهد الدنيا امل..ولا ايه رايك؟؟
lol
ايه البيع ده يا بنتي...الناس محتاجة نجماية متغبيش كتير عننا

ـــــــــــــــــــــــــــــ
tazart:

merci beacoup...او عفوا لو الحروف غلط...اصلي بصيت على مدونتك لقيت البروفايل
en francais...wna 3la 2dy elsra7a

مدونتك جميلة..وان شاء الله ليا زيارة قريبا

بس مقلتيش رايك يعني؟

ـــــــــــــــــــــــــــــ

2:35 AM  
Blogger frozen love said...

oma:

ما انا قلتيك ..انا في حاجات ليه بتعجبني..لكن حجم هذا الانسان في حياتي لا يزيد عن نقطة في هامش دفتر هذه الحياة....حاجة كده ممكن اسمعها احيانا

لكن اللي انا شفته ده..جنان وهوس ومش هوس فني بس..لا ده هوس الانبهار بفارس الفرسااان...مكنتش مصدق

بصي...المشكلة في رايي مش الفراغ..المشكلة لخصتها سمرا مسبقا..انعدام العقل والدين بجانب هذا الفراغ بقى...وبعدين العيب مش عليه

حد يلاقي بنات بتبوسه باللهفة دي وميبسش..ده حتى يبقى قليل الذوق
loooooooooool
اشكرك على رايك في المدونة وفيا...
happy valentine's day for u tooo

ـــــــــــــــــــــــــــــ

maat:


ما هو ده اللي حصلي يا معت والله...انا اكتئبت باثر رجعي فكتبت التدوينة دي على طول...حاجة نيلة فعلا والله
انا لا ماكنتش متوقعه بالقسوة دي...كل عيد حب وانتي طيبة
ان شاء الله السنة الجاية تروحي حفلة مع الشخص المناسب ومتكنش حفلة تامر


فكرتيني والله..من ضمن الحاجات واحد طلع وشوشه...وفجاة تامر قال..يا جماعة تامر بيحي منة ومنة تقلانة عليه وهو النهارده بيقولها بحبك يا منة....وووووووو

loooooooooooooooool
happy valentine's day
ــــــــــــــــــــــــــ

hoby:

we bystfzony ana kman ya hoby wlahy....we f3lan aktr mn elwlad..l2ny eely bey3mlo akhlakyan mytmshash m3 mgtm3na khals

we zy ma 2lty..heya ely btrby b3d kda..y3ny mseba sodaaa..ya rb ngena ya rb we e7my shbabna we ehdehm..amen

ah f3lan kan b2aly ftra kl ama agy..ala2y old posts..welcome back....we ya reet mtghebsh 3nna tany ya hoby plz...bnftkdk

happy valentine

2:46 AM  
Blogger frozen love said...

eskandrany:

سعيد انك نورتني بزيارتك..وكده ليا عندك شاي على مدونتك قريب قوي ان شاء الله


وباكد على رايك طبعا بالنسبة لمقياس النجاح في البلد ورايك في بحث شارم طبعا....الامل موجود طول ما الشباب اللي زي الورد اللي زيك كده موجودين ورجالة كده

ايووووووه....الله...ريحة البحر خرمت نفوخي.....نورت المدونة
ــــــــــــــــــــــــــــ

ehab:

malk elgeel....lol

hwa mounir gralo 7aga wla eh?..lol

enta 2lt ely feha..zmn elmskh f3lan....rbna ytwlana br7mto.. yarb

rbna m3ak fe elmshro3..ana kman 3ndy mna2sha yom elkhames..ed3ely

ـــــــــــــــــــــــــــــــ

hurricane:


كل الشتايم اللي نفسك تقولها على الاستفزاز ده والله وصلتني..حاسس بيك انت قد ايه متغاظ يا معلم والله......انا كمان زيك بالضبط

بوست شارم بقى...فكرة فعلا اننا نخلي الشباب الهس بس يشوفوه كل يوك كام مرة كده مع الدرينك بتاعهم
loool
ولا يسعني بمناسبة الجيش غير اني اضربلك تعظيم سلام زاقول ربنا يحميكم...على ما اتذكر انت من تلك المنظومة اللي على رغم كل الظروف دي..طول عمري بحترم رجالتها وكلنا كمان شايلنهم على راسنا من فوق
ـــــــــــــــــــــــــــــــــــ

بطة البحر:

اولا سعيد برؤيتك تاني على المدونة..وكنت عايز اعرف انتي ليكي مدونة ولا لا..عشان بتطلعي عندي من غير لينك

وثانيا انا معاكي طبعا..انا مبصبش كل اللوم عليهم بس..الظروف العامة لها تدخل..ولكن العقليات برضه..يعني مش كل شاب بيعاني من البطالة ياخد فلوس من اهله الشقيانين..ويروح حفلة تمور ويطلع يحضنه ويبوسه..ده كده عبيط

اه ممكن يكون الملل والفراغ والاحباط موجهينه لكن مش بالصورة دي..في طرق كتير يقدر يلاقي نفسه بيها او على الاقل يحاول يلاقيها مع ما يتناسب برضه مع قدراته العقلية والثقافية ..عشان كده كنت بقول لسمرا ..الثقافة العامة في رايي هي المفتاح

يعني اللي بيهاني من البطالة ده..لو عنده نسبة ثقافة ولو محدودة مش هتكون دي اهتماماته بالعكس ده ممكن يفاجئنا بحاجة تفيده وتفيد البلد..باي وسيلة...كتابة..نشاط..موسيقى,..الوجه كتير

وعايز اضم حلمي على حلمك واتمنى كلنا نعامل بعض بكل الحب والود والحترام من غير ما نلون الدنيا احمر يعني

وكل عيد حب وانتي طيبة..وكلكم طيبين
happy valentine's

ومتنسيش تقولولي على مدونتك
منورانا

3:00 AM  
Blogger LAMIA MAHMOUD said...

بص بقى يا اخ حامد .. انا جيت اعلق مرة لقيت النت فصل فلو لقيت تعليقين بيس يعني


مالك ومال تمورة بس يا حامد .. متغاظ منه ليه .. ده تامر ده عسل عسل عسل


لاء جد شوية بقى .. الغيبة دي كلها وراجع تقولي تامر .. وده يستاهل تعمله بوست .. ده واحد بيقول حبك عاملي جنان .. بيرمي بلاويه على الناس .. قال يعني كان عاقل .. لاء وشوفت الافيشات اللي معمولة بتاعت وحشتنا .. عارف انا ساعة القضية والله تعاطفت معاه اصل ده شاب .. ومستقبله وبتاع .. ولو كان واحد مسنود مكنش اتحبس اصلا ولا كنا سمعنا حاجة .. بس مش اكتر لكن تامر نفسه فاكر نفسه بيغني
ميستاهلش بوست يا حامد
ولا يستاهل التعليق اللي انا كاتباه ده

4:10 PM  
Anonymous حسن محمود said...

هو مين بقى تامر ده؟

4:55 PM  
Anonymous Anonymous said...

الحقيقه يا محمد انا معنديش مدونه بس انا بقرالك كتير وبقرا برده لناس كتير بتكتب زيك بس تسمحلى يعنى ابقى ادخل عادى من غير ما يكون عندى مدونه لانى الحقيقه الحاجات اللى بتكتبها بتعجبنى اوى ....اما بخصوص موضوع تامر انت عندك حق برده لازم الانسان يعمل حاجه ويحاول وميستسلمش للظروف ولازم برده يكون عنده هدف ... بتمنالك كل التوفيق ومنتظره منك كل الجديد والجيد...

6:56 PM  
Blogger ياسمين said...

طب بذمتك مش بتحقد عليه

يا بخته

صدقنى .. الدنيا حظوظ بجد

وتامر حسنى هو مثال على ذلك

يا ابن المحظوظة ..........

10:04 PM  
Blogger SPRING said...

الرد طول شوية ، كتبت تدوينة كامله ، هناك
http://spring456.blogspot.com/2007/02/blog-post_18.html

2:26 PM  
Blogger Amr Ahmed said...

تصدق بالله

انت طلعت برنس

انا كنت اعرف مدونتك بس مدخلتهاش

واول مادخل كده

الاقيك بتتكلم علي تامر


الحمد لله

مش انا لوحدي اللي بفهم

كنت فاكر ان الناس صح وانا غلط
لكن لقيت اللي يشجعني

انا سعيد جدا جدا بالبوست ده
لاني بكره تمورة
بس المشكلة انه مش علشان هو شخصيا وحش
بس اللي حصله مش كده يا ناس

ده العيال كلها عاملة زيه

وبيقولك ده ملك الجيل

انهي جيل ياللي ربنا ياخدكم

انا برئ من الجيل اللي تامر زعيمه

جيل عاوز ضرب النار

سعيد جدا بمدونتك

واكتر بالبوست ده

8:11 PM  
Blogger Sharm said...

بصراحة انا كل ما افتكر محاكمته يركبنى مليون عفريت

!!

القاضي : ولا زم تعرف ان المحكمة مهمهاش اي حوار اتنشر على التليفزيون او الجرايد عنك

تامر : اطلع من دول .. منتاش من دول

القاضي : و احنا حاطين في اعتبارنا حداثة سنك و انك لن تعود لمثل هذه الجريمة مرة اخرى

تامر : يعنى خلااااااااااص راحت عليا ؟

القاضي : لذا حكمت المحكمة عليك بسنة

تامر : انتى نسيتى نفسك و بقيتى بتجرحينى

القاضي : مع ايقاف التنفيذ

تامر : و ميحرمنيش منك

8:07 AM  
Blogger ياسمين said...

انت فين بقالك كتير ما جتش تزورنى ليه
هو تامر واخدك مننا ولا ايه

2:09 PM  
Blogger يا مراكبي said...

الموضوع مش تامر حسني نفسه

الموضوع هو الرمز اللي بنستنتجه من وراء القصة دي كلها

أنا شايف مصر شكلها إيه في المستقبل من مجرد قرايتي للبوست ده

مرة واحد قال لي إنت ليك مستقبل كبير في مصر .. بس مصر هي اللي مالهاش مستقبل

10:26 PM  
Blogger Memo said...

ايه يا ابني
انت مالك متغاظ من الواد كده ليه
بس واللهي موتني على نفسي من الضحك بجد يمكن الذ بوست عندك
ههههههه
تامر لفرز
العيال اتهبلت باين عليها
الفراغ و قله المخ بقا هتقول ايه
وعليه العوض
تحياتشي

11:27 AM  
Blogger فوضى الحواس said...

انت صح بس العيب مش فى تامر برضه

9:26 PM  
Anonymous tamer said...

شوف ياصاحبى

احنا فى زمن اصبحت فية اغلبية ونوعية غريبة من البشر ماشية بالمقلوب
ولما يكون فية ناس بالشكل دة ويكون القدوة الصح غايبة هيظهر على السطح


القدوة الغريبة علينا او الساقطة الغير واضحة المعالم ويكون هولاء بالجرى وراء هذة القدوة الغريبة لان مفيش ادامهم غيرها

او فية لكن هم فى غيوبة وتسطيح فكرى ونفسية غائبة فى بحور الشهوات والعرى والتخلف الذى انتشر بين اغلبية الشباب

المطرب دة زى اى مطرب عايز يبقى لية شعبية وجمهور وبيفرح باللى انت كتبت عنة دة لان المعنى لية واضح انة مطلوب وموجود وفنة واصل للناس يعنى بالنسبة لية عادى


انا مرة كنت راكب العربية وماشى وفحاة وجدت هيصة ودوشة فى احدى الاشارات وببص وجدت الناس كلها طلعت من العربيات وبتجرى ناحية شىء مش باين ليا بسال وجدت ان س من الفنانين موجود فى عربية


ممكن يكون الاغلبية الموجودة دى مش عارفة س بس حب التطلع لشىء مجهول لايظهر لهم سوى فى صورة خيال على الشاشة وفجاة اصبح واقع شىء لايتصورة البعض مع انة بشر يعنى عايش على الارض ولكن كما نقول الشهرة لها بريق وهى التى تجذب الناس الى الاشخاص بعيد عن اى شىء اخر


انا معاك ان القدوة لازم تكون ايجابية بس هنعمل اية فى الوضع المقلوب

ربنا يصلح الحال

تحياتى

8:14 PM  
Blogger Epitaph said...

انا قريت البوست علي مرتين
فمعلهش ع الـاخير بتاع المواصلات انت عارف

وبعدين انا لازم اشرب كركديه حالا في سلامترو كافيه عشان انا ضغطي ارتفع مش منك بعد الشر انما من سي تامر افندي

انا مش ح اقول حاجة غير لنا الله

علي فكرة
امبارح

شفت واحد في "الحرم الجامعي" الخالق الناطق تامر حسني.. التسريحة و السحنة و الشعر و الحزام,, و الكتاف و القميص.. ناقصه جيتار و يبقي هوا.. حاجة تقرف.. يعني بدل صور جيفارا اللي انت معترض عليها..تبقي صور تامر حسنتي ع التي شيرت

انا شفت مناظر الناس و هي داخلة.. و الافواج الي قاعة المؤتمرات..و انا قاعدة معززة مكرمة في السي تي ايه.. رايحة لجدتي و جدو في المهندسين
يمكن اسمع هناك معاهم ام كلثوم و لا عبد الحليم.. و اشوف جدو اللي بيجيب الفطار لجدتي المريضة.. و جدتي تفكره بالانسولين..و السكر.. و يطلعوا صور ولادهم و هما صغيرين (ماما و خالي يعني)

عرفت امثال تامر حسني مش ليهم تاريخ و لا ح تعيش سيرتهم كتير برغم كل الهطل اللي "لوفرز" بتوعه بيعملوه؟؟ عشان لسة فيه "سيرة حب" جميلة بتتعزف بك و بناس تانية كتييييير

معلهش طولت
:))

12:58 AM  
Blogger Elsede3' said...

tab3an tab3an ana hanafad le mawdoo3 tamer da, we hasta3een belkalam elly hurricane 2alo "لحوايس من الدرر الثقيلة"

elmohem ana kan leyya ta3leek bas 3ala samraa alnil wana 3aref en heyya mesh hate2rah wala 7ad ta2reeban haye2rah bas bardo 3ashan kan lazem a comment
الناس اللي معاها فلوس اوي هي اللي بتبقي زي الشاب لكرنب اللي قلت عليه من شوية
واللي مش معاه يجب النضارة اغالية ولا لكوتشي اديداس ولا يضرب شعره جل ولا قادر علي تمن ال ام بي ثري اليل بالالف
بيكون راجل
lel2asaf elkalam da 3'eer sa7ee7 belmarra, wALLAHi fe nas ma3aha feloos masha2ALLAh welnas bgad zay elfol, we regoola a7'er 7aga we mothaqafa we tefre7...elly howa elwa7ed yetkesef men nafso odamhom, elly homma men ela7'er 7'atar 3ala ay shab tabee3y.
3ala el sa3eed ela7'ar, enty maro7teesh gam3et 3een shams abl keda???
kol elsa7tageyya elly henak elly labseen mesh 3aref eih we beyetkalem fe eih we fared sha3ro ezay
elfeloos mesh heyya el moshkela
elly 3ayz yeb2a sissy we mekarrar men abl keda hayeb2a sissy sawa2 ma3ah feloos aw mesh ma3ah
welly 3ayz yeb2a kewayes hayeb2a kewayes.
roo7y ay gam3a -we ya 7abatha law kan ma3had- hatla2y amsela 7ayyah bel3abeet

ana 3aref ennek mesh hate2ry el comment da 3'aleban bas ana 2olt araya7 dameery

7:29 PM  
Blogger hosnysoliman said...

الباشمهندس اللذيذ ابو دم خفيف
انا لسه راجع من اللقاء وقلت امسى عليك اقولك انى سعدت بالتعرف عل الشباب امثالكم ولى عوده للبلوج بتاعك علشان ده عايز يوم بحاله

2:32 AM  
Blogger إبـراهيم ... معـايــا said...

على طريقة الأستاذ حسني ، قبل ما أنـام أنا رااخـــر ، وبما إنـك فلسعت بدري ، بس فعلاً الموضوع حلوووو قوووي يا حامد ، وقريت شوية من شعرك كمان ، يبدو لي إنـك موهوب فعلاً




سعدت بالتعرف عليك يا باشمهندس ، وخلينا نشوفك ... أنا وعنيا :)




على فكـرة عنيا بتحبـك بررضه


ههههههههههههههه


قال تامر حسني قال !!!

طب بتغيب وانتا اللي على بالي


تعرف ، الموضوع محتاج دراسة ، وأنا كنت ناوي ما اطولشي !!!

3:09 AM  
Blogger مصر هى أمى said...

حامد
اول مرة ازورك بس عرفتك من الاجتماع بتاع البورصة

اى مكان فى العالم هتلاقى فيه كدة وهتلاقى فيه ناس كويسة
بس هما بره بيفرحوا ويحضروا حفلات لكن بيشتغلوا كويس وقت الشغل
اما احنا شعب هايف

بس الاجتماع بتاع البورصة خلانى حاسس ان فيه ناس كويسة فى مصر

9:22 AM  
Blogger frozen love said...

انا قبل ما اعلق كنت عايز اعتذر عن تاخري الشديد في الرد على تعليقاتكم نتيجة انشغالي بمشروع التخرج..زاديني اول ما فضيت جتلكم في اجتماع البورصة وجيت ارد على طول اهو...وحشتوني


lamia mahmoud:

انا برضه اللي غايب والا انتي اللي غبتي عننا...والله يا لمياء مش حكاية يستاهل ولا لا..تامر طبعا ميستهلش اكتب عته ولا انك تعلقى هنه...لكن الحالة اللي انا شوفت عليها السباب خناك تستاهل كتير قوي يا لمي

واكيد انتي فهمتي كلامي واني مكنتش اقصده كشخص...انا للاسف اقصده كرمز لجيل جديد من الشباب الهايفة

منوراني والله بعد غيبة


حسن محمود:

انا اعرف يا عم...لو سمعت حاجة عنه قوللي..منورنا


بطة البحر:

انتي تنوري المدونة وصاحب المدونة يا بطة....بجد سعيد انك بتوريني وانتي مش مدونة...تحياتي وتمنساتي بالتوفيق


ياسمين:

محظوظ دي مش المشكلة يا ياسمين..رغم اني معاكي حق طبعا لكن الماساة اني الحظ اللى دارى على مصيبة يتحول لقصة بطولة يقتدي بيها شبابنا انا الله

وسعيد جدا بلقاء البورصة


amr ahmed:

عموور...مطلعتش لوحدك يا معلم...اظن لقاءنا على البورصة وضح وجهات النظر في الموضوع ده واكتشفنا اننا اصحاب من زمان

منورني يا زعيم وسعيد بمعرفتك


sharm:

ضحكتني طحن...والله معاك حق ده اللي كان ناقص

سيبك انت البحث رافع معنوياتي..جدع يا شارم

12:27 PM  
Blogger frozen love said...

يا مراكبي:

هو ده برضه اللي انا قصدته بالضبط..والله انت قلت حكمة..بس اتمنى يطلع صاحبك غلطان والمستقبل نعمله احنا بنفسنا


memo:

عليه الغوض ومنه العوض يا ميمو....هما اتهبلوا بعقل يا بنتي ده مفيش خالص...بقوا ريش على مفيش على رايك

هههههههه


فوضى الحواس:

اكيد العيب مش فيه فعلا وانا مقلتش كده...انا بس حطيته رمز للعيب الحقيقى...زيارتك الاولى ليا نورتني


tamer:

الموقف اللي انت حكيته ده كمان تجسيد لنفس المشكلة...غياب القدوة زي ما انت قلت

انا مرة قلت لواحد صاحبي الوحيد اللي لو شفته في الشارع ممكن اتمنى اصور معاه ويجيلي هبل هو صلاح جاهين الله يرحمه يعني خلاص...عمري ما هيجيلي هبل زي الناس دي


انا فرحان بيكم قوي والله لسة في شباب زي الورد اهي

منورني
تحياتي



epitaph:

انتي كمان شوفتيهم..طب بذمتك مش حاجة مستفزة

الله عليكي يا ايبي انتي جبتي المفيد كده في حكاية جدك وجدتك الصغيرة دي

بالضبط كده..الاصالة...شوية اصالة مش هيضروااا

واكيد اكيد امثاله مش هيعيشوا طبعا

12:34 PM  
Blogger frozen love said...

elsede3':

aked ana 3arf r2yak ya sh2e2 fe elshbab elsees kwayes...lol

zy ma akhok 2al belzbt kda f3lan...we elshtaym kter....loool

belnesba lmwdo3 smraa alnil da tb3an..elrd mkfol leha bs a7b ard 3la lsanha brdo enha mkantsh bt3mm heya kant t2sd eny natiget el7ala ely wslnalha ertbtt elrgola we "elndafa" belmadyat...we de m2sah...y3ny t2sd eny elshab elf2er dlw2ty beytl3 3eno 3shan y7afz 3la mstwah ben elnas...fa natiget da...mbyb2ash hayf..lkn eltany 3ndo fragh we floos ...fbeystahyf bmzagoo

lkn mn gher t3mem tb3an...tb3an fe rgala rgala f3lan...we asdka2 bgd we ahl...we homa aghnya we nas ndefa...de trkeba rag3a leltrbya we elthkafa el3ama ely bn7lm eny kl elnas yb2a 3ndhm mnha bghd elnazar b2a 3n flosoooo

we 7k elrd mkfol tb3an lsmraa...lol...wna hb2a a7awl a2olha tegy trd 3la ur comment isa



hosnysoliman:

استاذنا الكبير قوي...والله انت مش ممكن تتخيل انا كنت فرحان قد ايه بلقاء حضرتك....ويشرفني فعلا انك تمر غلى بلوجي وتقولي رايك...فعلا فكرة اللقاء دي رائعة..كفاية اننا كسبنا معرفة ناس زيك يا استاذ حسني

تحياتي



ابراهيم معايا:

انت مين فيهم بقى الاول
looool

والله يا ابراهيم انا اللي اسعد برايك فيا وفي شعري وبلقاءك وزيارتك للمدونة...واكيد ان شاء الله عقرا كتالك قريب

وبلاش اغاني تامر..ولا دهو اللي بيغني مش انت
looool

منتظر دراستك عن الموضوع طبعا..مدونتك بينتلي انك موضوعي جدا


مصر هي امي:


انت اول مرة تزورني لكن والله انا حاسس اني مصر زارتني يا باشا...انا بجد عرفت امبارح انسان مصري فعلا...سعيد اني محبي مصر بيكتر يوم عن يوم..هما دول اللي هيرجعوا الامل المسلوب ان شاء الله

ونقطتك في الصميم فعلا..خما الجد جد والهزار هزار..لكن احنا الهزاز هزار والجد هزار برضه
lol

واحساسك خو احساسي بعد لقاء البورصة

احنا مش لوحدنااااا..الحمد لله


تحياتي

12:46 PM  
Blogger micheal mohsen said...

موضوع ممتاز ممتاز يا محمد و دة بيأكدلي فعلا أنك انسان محترم علي قدر عالي من الوعي و الثقافة و الذكاء الاجتماعي لان فعلا اللي مالوش قدوة بيشتريلوا قدوة و الله يكون في عونك في مولد سيدي تامر اللي غطي علي مولد سيدي العريان...مدد يا تامورا مددددددد
و الله اللي يقرأ اللي أنت كتبة يفتكر أن تامر دة هوا اللي يحرر القدس و اللي حيحرر العراق و يطرد الامريكان و يحسن مستوي المعيشة في مصر...بجد حاجة تنقط بس حنعمل اية..كان الله في عوننا
لك تحياتي و في انتظار اللقاء القادم

12:12 AM  
Blogger frozen love said...

اهو انا تنقط زيك بالضبط كده يا مايكل...ربنا يكتر من امثال اللي كانو في اللقاء ويخلي اللي كانوا في الحفلة ارجل من كده

lol
منورني وفي انتظار اللقاء الجاي برضه

8:06 PM  
Blogger هيثم ابوعقرب said...

تامر حسني

بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا
بجد خنقتنا

8:38 PM  
Anonymous Anonymous said...

طيب اولا عايز اسعل البيه سؤال تيجي إنت إيه في تااااااااااااااااامر حسني عشان ولا تتكلم عنه بالطريقه دي

تاني حاجه يا عم ياللي متدخلش حفلة تامر ب 50 ومتجبهوش يغنيلك ب 50 اديك شفت بعينك كان في كام الف ولو إنت متدفعش 50 جنيه غيرك بيدفه بال 100 الف عشان يجيب تامر يغنيله
3 حاجه حب الناس لتامر دي حاجه من عند ربنا الحمد لله عليها
ومش إنت اللي في يوم من الايام تتكلم على تامر حسني اللي إنت قلت تمن فردة كوتش عربيته تعمل كام واللي هي تشتري واحد زيك

2:24 AM  
Anonymous Anonymous said...

بص يا " محمد " الموضع مثير للاشمئزاز ومقرف جدا" .. شباب تافه ثقافته اخرها التاتو وبحبك يا تمور!! انا مش هاتكلم باللغه العربيه الفصحى عن العراق وجوانتانامو وبناتنا واخواتنا اللى بيغتصبو وبتنتهك اعراضهم وبيجبروا على ممارسة الشذوذ وبتختفى صراختهم ورا ضحك الجنود ولا الاقصى وحال مصر اللى بتتسرق حته حته والشعب اللى مالى المعتقلات ودستوره اللى بقى كرباج على ضهر كل حر وشريف بيحب مصر , انا بس عاوز اقول لحبايب تامر قبل ده كله "دى مصر " , الاخ اللى متزرزر قوى ومحموق علشان تموره " زينة شباب العرب والمسلمين " مصر يا حبوب يااااااانور عينى اللى بتصدر لبلد الرسول عليه الصلاة والسلام العلم الاسلامى واسأل الشيخ الشعراوى , مصر يا حيله ياااااانور عينى هى اللى تصدت لامريكا كل العصور مصر اللى انهت بشبابها على الصليبيين وحملاتهم ,وقفت المد التتارى المتوحش اللى كان قرب ياكل اوروبا نفسها , مصر اللى برجالها وشبابها الاحرار ماقدرش متجبر ولا محتل مهما كانت قوته انه يستحملهم واسال الهكسوس والاتراك والمماليك والفرنسيين والانجليز واليهود , الناس دى لو عرفت ان مصر هيجلها يوم وتنجب رجاله حلوه زيك انت وتموره كانو نفضو ولعبو بلاى ستاشن !! الامل فى ربنا وحده

4:34 PM  

Post a Comment

<< Home