Saturday, March 10, 2007

لقاء المدونين..صحبة وصحبجية

انا كنت المفروض ناوي اكتب عن اللقاء الثالث للمدونيين بس ...واقول رايي فيه واحكيلكم انا حسيت بايه وايه اللي
دار في دماغي لما اتقابلنا لكن كنت مليان كلام تاني...فبقيت محتار اكتب عن ايه ولا ايه..لحد ما قررت اكتب كل حاجة...يلا ان شاء الله ما كان حد حوش...واستحملوا صداعي بقى

لقاء الصحبة (المدونين)...واسمحولي اقول عليكم صحبة
لاني كنت حاسس بكده نتيجة لقاءنا اللي فات...محستش بالغربة رغم كل الناس الجدااد اللي كانوا معانا..يمكن لاني مدونين اللقاء السابق كانوا موجودين ويمكن لاني ارتحتلكم... مش عارف

اللقاء بدا في ميعاده على ما يبدو في دار الاوبرا المصرية...وعلى ما يبدو دي نتيجة وصولي متاخر ساعة عن الميعاد...عدد فاق توقعاتنا..ما شاء الله ..ممكن يكون تلات او اربع اضعاف اللقاء السابق..المرة دي حلم ياسمين عمال يكبر اكتر واكتر و احنا وراها...لكن واضح اني عدم توقعنا لهذا العدد..ادى لهذا اللقاء سمة عدم التوفيق نوعا ما....نقلا عن اراء الحاضرين وانا معاهم...سعدنا جدا اجدا بهذا العدد وكان نفسنا وكل منانا يكون الحوار اكثر ترتيبا من كده..ويكون محدد الملامح

60 مدون ومدونة
تقريبا
عدد لا يستهان به على الاطلاق..عدد اذا دل على شيء يدل ان المدونين اصبحوا على استعداد الى تفعيل دورهم في ارض الواقع...اختلفت الاراء والاقتراحات
البعض يرى انشاء جمعية للمدونين..والبعض يفضل ان يكون هذا المجتمع عبر الانترنت فقط حيث هذا هو مكانه الطبيعى...وراى اخرون ان تفعيل دور المدونين لا يتوقف عند حد القول فقط وانما يجب تجسيد الفكرة بافعال ومجهودات في خدمة المجتمع المصري..بينما فضل قليلون ان تظل لقاءتنا ذات عدد محدود حتى تتسم بالصداقة والحميمية كلقاءنا السابق

نموذج لاقتراح قد نال اعجابي الشخصي وتقديري
سمراء النيل...اقترحت علينا انجي ان نحول طاقتنا الكلامية ولقاءتنا تلك الى طاقة يستفيد بها الاخرون ومن هم في امس الحاجة الى مثل هذه الطاقات والمجهودات...كالاطفال الايتام وغيرهم من من يستطيع كل منا مساعدته..وقد شرحت وجهة نظرها في تدوينة هذا هو رابطهاا

http://anooojy.blogspot.com/2007/03/blog-post_09.html#links

رايي الشخصي...تحديد عدد من المدونين ليكونوا بمثابة منظمين مهام وحوارات اللقاء...ويتم اجتماعهم قبل اي لقاء...لتحديد المناقشات والنقاط المراد تسليط الضوء عليها وتحديد المكان والزمان....واقتراح ساقية اللصاوي اقتراح جيد جدا اذا امكن

وفي النهاية احب اقول الناس اللي شوفتها للمرة التانية اني كنت مبسوط قوي من رؤيتكم والناس الجديدة مرحبا بكم في هذا المجتمع اللي هنرسم كلنا ملامحه قريب

ومتفتكروش اني كده خلصت
تاني حاجة عايزة اتكلم عنها لقاءي التاريخي مع مصعب صاحبي صاحب مدونة مصعب الخير...صديقي الصدوق من ايام ثانوي..اللي الزمن فرقنا 5 سنين ونص ويوم لما اشوفه اشوفه في لقاء المدونين..سبحانك يا رب

مصعب: هو في حاجة تتاكل هنا؟
انا:هو انا طلبت شاي معرفش ايه النظام بقى
مصعب: ازيك يا محمد
انا: ايه ده....مصعببببببببببببببببببببببببب


احضان وكلام وذكريات وتمشية طويلة وقاعدة اطول....بجد يا مصعب وحشتني...من قلبي بقولك انك وحشتني..وانا محتاج اتكلم اكتر عن موضوعنا ده فقررت يبقى في بوست لوحده
يعيش السمك في الماء
يعيش
يعيش
يعيش
حمد الله عالسلامة يا صاحبي.. الدنيا مقدرتش تغلبنا لسة


فاكرني خلصت....بعينكم


احب اقولكم اعلان قصير عن حفلة فريق الصحبجية الثانية..والاعلان ده هيليه اعلان طويل في بوست منفرد
ان شاء الله


الصحبجية..فريق غنائي يتكون من 12 فرد اذا حسبنا الناس اللي كاتبة الكلام..بنغني اغاني كل اللي اقدر اقولهلكم انها من قلبنا..من جوانا..من جوه جوانا...كلام معظم الاغاني يا جماعة من تاليفي...اتمنى اني كل المدونين ينوروني يوم الحفلة ان شاء الله
اولا عشان اشوفكم وثانيا عشان اعرف رايكم في الجديد اللي احنا بنقدمه وبمناسبة الجديد...المرة دي انا كاتب
concept album
البوم ذو موضوع واحد لاول مرة على ما اعتقد تتعمل الفكرة دي في باند عربي..الالبوم مكون من اربع اغاني هكلمكم عنه في البوست الجاي ان شاء الله اللي غالبا هكتبه بكرة على الارجح
الالبوم اسمه
الدوّار
وبيدور عن حاجة مصرية قوي...قوي...حاجة فينا كلنا

الصحبجية....هتغني في ساقية الصاوي يو الثلاثاء 13 مارس....الثلاثاء القادم ان شاء الله الساعة 8 مساءاا
اتمنى اشوفكم كلكم هنااااااااك....وانتظروا مني تدوينة عن اعضاء الفريق وازاي اتكون وايه اللي احنا بنقدمه
في انتظاركم كلكم

صورة للصحبجية في حفلها السابق بحديقة الازهر بدون محمد عماد عازف الكمان وعمرو الزناتي عازف البركشن وابتهال ضيفة غناء الحفل القادم..ان شاء الله هعرفكم بيهم واحد واحد البوست الجاي على طول

For Further info please contact us:
E-mail: El-So7bageyya@hotmail.com or visit http://www.culturewheel.com/

19 Comments:

Blogger مُصْعَب إِبْرَاهِيم said...

يعيش السمك تحت الماء
يعيش
يعيش
يعيش

وأنا بأعلق منير كان شغال وبيقول

"مواعيد مواعيد كله بمعاد
فرقتنا موت ولقانا ميلاد"

هتشرفني في بوست قريبا

6:44 AM  
Blogger مصر هى أمى said...

محمد
ايه ده يا بنى انت مكتبتش عنى ليه فى البوست دا حتى انا اللى عملتلك اعلان عن الحفلة بتاعتك فى الاجتماع دا حتى اقل حاجة انى ادخل الحفلة ببلاش
ومعايا 30 واحد من اصحابى ببلاش برده

صح ولا غلط

محمد انت انسان كويس جدا
وانا حبيت فعلا تفكيرك ودا اللى خلانى اعلن عن حفلتك ربنا بوفقك

9:01 AM  
Blogger smraa alnil said...

هههههههههههههههههههههه
مصر هي امي
هنحقد بقي
اكمنه مش جاب سيرتك وجاب سيرتي انا
بطلوا حقد علي البشرية بقي
محمد عايزة اقولك علي حاجة بس ارجوك ارجوك
مش تفهمني صح
هههههههه
انا مش فهمت رايك الشخصي
انت كنت بتتكلم عن لقاء المدونين بصفة عامة ولا عن اقتراحي
عشان اكون فاهمة بس

عارف بجد بقي ايه مفاجاتي في اليوم دة
ان في ناس بجد مش كنت متخيلة اني اشوفها
زي توتا
ومانو
اللي قالولي
ها قالولي انا
قالولي ان هما جم عشاني
ههههههههههه
بالاضافة لمصعب
بجد انا بحب الولد دة بطريقة غريبة
زي اخويا يا جماعه عشان مش عايزين نقطع رزقنا
ههههههههههههه

10:31 AM  
Blogger وشوشني said...

اللقاء كان جمييييل فعلا

2:26 PM  
Blogger Elsede3' said...

ella meen elso7bageyya dool???

ya 3'agar ala2y wa7ed menko bas howa elly 3amel post "enta ya3ny" we kaman 7ashro fel2a7'er keda???

danto 3eyal @!$#^%%&@@#!$@

2:26 PM  
Blogger Amr Ahmed said...

حامد باشا

ان شاء الله الحفلة

هتبقي كومبليت

وتاني لقاء بيك
سعدت بيه جدا

6:08 PM  
Anonymous Anonymous said...

محمد .. انا بحب المزيكا جدا..
ان شاء الله هاكون موجود فى الحفلة و ربنا يوفقك يا رب

8:16 PM  
Blogger مـحـمـد مـفـيـد said...

اعتذر كثيرا عن عدم الحضور لعدم وجودي بالقاهره
اتمني من الله عز وجل ان يقدر لي الحضور التجمع القادم

8:36 PM  
Blogger كلبوزة لكن سمباتيك said...

تعيشوا و تتقابلوا
تحياتي

9:35 PM  
Blogger admelmasry said...

بصراحه انا استمتعت جد بالقاء وتشرت بيكم كلكم

واعزرني لو مش هاقدر اجي الحفلة

تتعوض انشاء الله

تحياتي

10:06 PM  
Anonymous Anonymous said...

best of luck!!

mafeesh "awel leil" el marady? :))

12:13 AM  
Blogger el2ahwagi said...

rabena dayman megama3kom insha2allah ...

mawdoo3 elso7bageya da bayin 3aleeh gameel awi .. hastanna el post bas yareet yekoon feeh clip aw 7aga.

aslan makan zay sa2yet elsawi da shedeed bayin 3aleeh awi ...

ma2darsh a2ool gheer ... 3amar ya masr ..!!

4:05 AM  
Blogger frozen love said...

مصعب :

يعيش يا احبي زي ما صداقتنا عاشت كده بالضبط

ودائما كل كلامك حكم كده..المرة دي حكمة الملك بقى

هتشرفني في الحفلة قريبا
lol


مصر هي امي:

انا برد على التعليق ده بعد ما عملت البوست الجديد وبعد ما سيبت التعليق عندك

وبرضه بقولك تاني يا محمد
ربنا يخليك لينا يا رب


smraa alnil:

لا ياختي كنت مستني اكتب عنه في تدوينة لوحده..بطلوا انتوا بقى حقد
lol

فين تعليقاتك بقالي زمن مشوفتهاش..دي الدنيا سحلانا باين


رايي ده كان على لقاء المدونيين انتي اقتراحك مش محتاج غير اننا نرتب مكان وزمان ان شاء الله..وبعد كده الباقي سهل
انا برضه بحب مصعب زي اخويا بالضبط
lol
وكده مش هاقطع رزقه خالص انا ممكن اقطع رزق g of sun
loooooooooooool

اشوفك في الحفلة يا نوارتنا

تحياتي

2:43 AM  
Blogger frozen love said...

وشوشني:

انا بقى عايز افتكر انتي مين من ساعة ما شوفت التعليقين بتوعك

بس بجد سعيد بمعرفتك..ومنتظرك يوم الحفلة ان شاء الله


elsede3':

da band fakes kda ya 3m...lol

2sbr 3la rz2k..we zmank shoft elpost elgded...da a2al wagb aslan..go on ma man


amr ahmed:

عمنا ..ايه الاخبار

يا رب يا عمرو ربنا يكرمنا..اشوفك يومها باذن الله


واحد من الناس..طارق:

حبك وصلني من ساعة ما قريت مدونتك...بجد متشكر يا طارق واستحملني بقى ضيف في مدونتك على طول باذن الله

اشوفك يومها ان شاء الله


تحياتي

2:46 AM  
Blogger frozen love said...

محمد مفيد:

اعتذار مقبول طبعا..لكن بجد نفسنا تبقى معانا في يوم بقى...مستنيناك المرة الجاية

ولو عرفت تيجي الحفلة هتلاقي المدونين متجمعين برضه

تحياتي


sampateek:

عيش ونشوفك ان شاء الله

الله يخليكي
تحياتي


ادم المصري:

واحنا كمان سعدنا بلقاءك
شكرا ليك يا ادم
وتتعوض ان شاء الله نشوفك في حفلات تانية

وحاول برضه تيجي

تحياتي ليك


epitaph:

thx ya epi

l2 tb3an s7na n2dr..de special dedication 3shan 3yonk aslan...lol

l2 fe tb3an eltrackat el2dema aghlbha we elgded m3aha b2a

ya rb t3gbkm isa

c u there


el2hwagy:

ya rb..we tgme3tna htb2a a7la kter wenta m3ana..mstnyenak isa

allah ykhlek..msr 3mar bwladha..htla2y fe elpost elgaye ana fe song 2ayl feha kda esmha "eldawar"

ana isa b3d el7fla h7awl anzl videos aw tracks audio 3shan a3rf r2yak

ana yhmny r2yak fe elklam we elmusic....7drtk klk zoo2 aslan wna shoft bnfsy

t7yaty we ed3elna b2a

2:53 AM  
Blogger أسوور said...

بوست جميل يا محمد

ومجمعين كدة دايما يا رب

هنشوفك يوم الثلاثاء بقى

تحياتى

5:52 PM  
Blogger micheal said...

بوست هايل يا محمد و بجد الناس اللي زيك و زي ياسمين و سممرا و عمرو و محمد عادل هما اللي شجعوا الواحد علي الحضور و باذن الله حقدر أجي حفله الثلاثاء بعد ما اضبط ميعاد عندي..[س باذن الله جي
تحياتي لك

11:39 PM  
Blogger وشوشني said...

انا اللي كنت جاي معاي باباي وعبوووووووووود

4:29 PM  
Blogger frozen love said...

ياسمين:

وجودك جنبي يوم التلاثاء بجد كان حاجة كبيرة عندي قوي...وانا كتبت بوست بحاول اوصف فيه شعوري في اليوم ده وبشكركم كلكم على كل اللي عملتوه معايا

مايكل

سلامتك الف سلامة وكانك جيت يومها بالضبط
------
تحياتي ليكم كلكم والبوستين اللي بعد كده فيهم كل اللي نفسه اقوله

1:00 AM  

Post a Comment

<< Home