عقرب الثواني...تنهيدة
---------------------
عقرب الثواني
-----------------
زمان
واحنا لسة مانفهمش
في زواق الكلام
واحنا لسة مانعرفش ..
غير معنى السلام
كنت باسأل ..أسئلة
كنت عامل مشكلة
ليه الناس بتحلم...
أحلام متأجلة
وازاي في قلوب حزينة..
ووشوشها ممثلة
ليه عقرب الثواني....
سابق الدقائق
وليه الكل فاني....
وازاي مفيش حقائق
كان قلبي فيه اغاني..
وكان البال ده رايق
-----
و كل سؤال حكاية
وكل حكاية جرح
وعقرب الثواني
نازل في الساعة دبح
عمّال ياكل زماني
ويخطف من قلبي فرح
---
وتقل ايام حياتي
وتقل الاسئلة
وماضيّي وذكرياتي
مش هما المشكلة
انا خايف من اللّي آتي
وعينيا مغفلّة
---
او يمكن اللي فات
يكون المعضلة!!
وتكون الذكريات
دي اصل المشكلة!!
اهي جت الاستفهامات
اجابة لأسألة
وعقارب الساعات
معايا مكملة
يمكن بقى في سكات
عشان المسالة
بقت هم وآهات
وعمر وبهدلة
---
وعقرب الثواني
لسه سابق رفاقته
مسمومة فيه الاغاني
وسارق من الكل وقته
والسرقة في شرعه عادي
لا هي عيب ولا حرام
سارق مني الساعة دي
وقاتل فيّا الكلام
ولاني ليه معادي
وكل اللي بيننا خصام
راح اسرق منه زمنه
ومفيش ابدا ملام
واسرق حتى تمنه
ووش الابتسام
واسيب فيه السكات
فيعود ليّا الكلام
واسيب فيه اللي فات
فتموووووت فيّا الالام
-------
M.H.R
posted by frozen love at 5:09 AM
30 Comments:
7elwa awyyy *thumbs up*
very nice idea, good choice of words, rhythmatic...
your 3ammeyya poetry in general is very good.. de hayla!
alak we kol so2al 7ekaya we kol 7ekaya gar7...
eh dah yabne
enta ezay betgeb el kalm da?
begad gamda aweeee
مش حقولك غير الله عليك
و يا ريت الكلمة دي ترضيك
اصل انت سبقت العقرب بكلام سديد
و مادام اخدت بالك منه
يبقى حتعيش عمر مديد
و زي ماانا متاكده انه سارق وقتنا
فمؤكد حيجيي وقت تاني و اسمع عنك انك بقيت سابق عصرنا
و فنان نقول عليه نجمنا
تحياتي
و بجد بجد انت قدرتك فوق الوصف و صدقني لما بقرا كلامك انت بتفجر جوايا كلام بيجي كده لوحده
برافو يا حامد يا ابني
ههههههههههههه
بص من الاخر
اسمعها ان شاء الله
حفلة الصحبجية الجاية
جميله جدا
بتحكى واقع باسلوب جميل
بجد بحييك
سلام
:))
ليه كل الاسئلة دى
خلى الطابق مستور
القصيدة كويسة
إنت عارف إحساسي طبعا في الحكايه دي
ما يفرقش عنك كتير
وإن كنت إنت قررت تسرقه بدل ما هو عمال نازل سرقه فيك
بحييك علي القرار ده
بس إزاي يا محمد ؟؟
إنت عبرت بإسلوب رائع عن خاطر يأتي لنا جميعا
سلامي ليك
جميلة بجد .. نفسي قوي أعلرف أكتب شعر بالعامية زي كده .. بس ما بعرفش
إستمر
جميلة أسئلتك الوجودية وصياغتها البسيطة القريبة إلى القلب
تحفة بجد
اول مرة ازور المدونة الجميلة وارجو ان تقبلني صديقا للمدونة
تحياتي
تقريبا دى تانى مدونه الاقى فيها نفس الاحساس بالحنين والشعور بمضى العمر من حوالينا
احساس جميل لما يمر علينا من وقت للتانى
بس الخوف من الحنين ليكبل الأيدين
ونرجع تانى للسنين
وتبقى مشكله
حلو احساسك لسه انسان
تصدق انا كاتبة حاجة عنوانها عقرب ثوانى بردو هههههههه
بس طبعا مع الفارق اكييييييد
لا بجد الشعر جميل اوى وكلامه حسيته فعلا
ربنا يستر علينا من عقرب الثوانى وجريان وقتنا اللى مابيرجعش تانى
اللهم امين
تحياتى
كلمات عميقة و سلسة و مؤثرة
تحياتي
ياااااااااااااه
ياللي بتغني علي عقارب ساعتك
اوعي في يوم تبكي علي الي ضاع من وقتك
احلم
جايز يوم يطلع حلمك
وان مطلعش اكيد هيكون حلم غيرك ويسمحلك
انه يكون في يوم املك
ياللي بتغني وما تعرف زواق للكلام
مهما سألت واتغربت هترجع زي اسراب الحمام
مش مهم احلامك تكون مكتوبة
في دفتر قديم وعلي الرف مركونة
المهم يوم ما تفتح
هتلاقي حلمك بيفرح
بايدك يكون بالك رايق
حاول متجريش ورا الحقايق
سيب الحياة للي خالقها
واسعي ياعبد وفرحك يسعها
اسئلة كتيرة موجودة ومالها حل
وحكاية كتيرة احكيهالك .. بس اوعي تمل
زمانك مارحش ومافيش قلب ما تجرحش بس اوعي تكل
عافر وانحت فوق الصخر
وغمض عينك واوعي تخاف من عوم البحر
وزي ما قلت انت في الاخر
راح اسرق منه زمنه
ومفيش ابدا ملام
واسرق حتى تمنه
ووش الابتسام
واسيب فيه السكات
فيعود ليّا الكلام
واسيب فيه اللي فات
فتموووووت فيّا الالام
Honestly, I couldn't chose the best lines this time..
all of them are gr8 yam3alem :)
I read it 3 times,...u r a real artist :)
احلامنا دائما متاجله
هي دي طبيعة احلام جيلنا كله للاسف
زمان كانت الاحلام ممكن تتحقق في حياة صاحبها الان بناء اسره فقط صار حلم
الحق اصبح حلم
شفت المعجزه التنمويه اللي حصلت عندنا؟
يا ريت نقدر نتحكم في العقارب بدل ما تسرقنا
تحياتي
بدون مجامله جميل جدا
خصوصا موضوع الأحلام المتأجله
ليه فعلا نحلم احلام مؤجله
تحياتى ليك
ألووووووووو
بجد جامدة
متحرويناش من الحاجات الحلوة دى
law makontesh afaltaha zay ma2afaltaha makanetsh hate3gebny awy keda
great ending my friend
هل سمعت باجلوكو وتريد ان تعرف ما هو وان تسجل به؟؟
اليك
مدونتي:
http://aglocohits.blogspot.com/
المدونة بها :
زيادة الريفيرال
وبناء شبكتك
وبناء مدونتك واشهارها
وكيف تجعل موقعك اول نتائج بحث جوجل
وتصفح متخفي وراديو نجوم اف ام
nojoom FM
والان خدمة الرد المباشر على جميع اسئلة اجلوكو في اول غرفة دردشة مختصة باجلوكو
ايه الغيبه دى كلها
انت فين؟
حموده الجميل والله وحشانى جدا وديما بسال عليك الواد رؤوف..المهم وحشتنى وحشنى كلامك الجميل وطمنى اخبار الامتحانات والمشروع ايه كله تمام وبالنجاح والتفوق باذن الله
قلبت عليا المواجع يا حامد :(
ياترى ممكن الواحد يقول ايه ؟؟
مجرد كلام عادى اوصف بيه كلام غير عادى!!؟
جميله وعميقه موووووووووت
وعود أحمد ومحمد ومحمود:)
تاخرة عليك بقالي زمان
بس بجد بقى لسة جامد زي ما انت
عبقررررررررررري
وعقرب الثواني
نازل في الساعة دبح
الحتة دي عورتني
ندعوكم لزيارة العدد الثالث من مجلة نفسنا
يخربيت ام عقرب الثواني
عارف لو مش رجعت دلوقتي واعلنت عن معاد حفلة الصحبجية اللي يوم الاربع في الساقية الساعه 8 ونص
مش هيحصلك طيب
ايه ده سبحان الله..كلامك جميل أوي بجد بقالي كتير ماقريتش زيه00مستني كمان وكمان0
Post a Comment
<< Home