Friday, October 05, 2007

مانيش مجنون


التاريخ
5\10\2007
الزمان
4 وسبع دقائق صباحا
المكان
بيتنا
قررت ارجع للبلوج مهما كانت الظروف بقى ملغبطة ومهما كان اللي شاغلني....واحشنني بجد كلكم
انا اللي خلاني ارجع بعد الغيبة دي اني بجد وحشني التدوين قوي..وكمان قلت لنفسي مادام كده كده بكتب يبقى البلوج اولى....وحشتوني بجد بس يا ريت تعذروني على الغيبة دي كان فيه بكالوريوس بيتاخد ومشروع تخرج...وشغل وفي دلوقتي ورق جيش بيتعمل..وده حوار لوحده هضحككم عليه قريب ان شاء الله...يعني بجد اعذروني وادعولي وان شاء الله اقدر اتابع مدوناتكم زي الاول
مانيش مجنون
"زجّلية"
-------------
مانيش مجنون....
لأنك برضه مش ليلى
وفين ما بكون
وداني الكلمة دي شايله
بحبك ..." لكن"
واه من مرّ اعذارك
يا جرحي الساكن
يا نجمة.. تايهة في مدارك
تضميني ..اضم الكون بافكارك
تحسيني..ادوب واتوه في اسرارك
تفوتيني..
وفاكراني هاضل حزين
هاضل اسير في مشوارك
ولا عارفه طريقك فين
لكين لأ..
منيش مسجون
ولا عيونك نجوم الكون
ولا عمري هاكون مجنون
لانك..برضه.. مش ليلى
**********
كنتي لما تضحكي
الشمس تشرق .."بعترف"
وابقىجنبك حد تاني ومختلف
كنت لما تلمي شعرك
بتلم توكتك جرح قلبي
واما احس فيوم مشاعرك
بحس اني الكون ده جنبي


كنت فاكر اني موج البحر
سارق لون عينيكي
واني معني الصبر
مرسوم بين ايديكي

كنت فاكر اننا
من العشق دوبنا
واني كلمة حر
هتنور دروبنا
واني توكة الشعر
حريّة قلوبنا

واما صحيت والصحوة ...نار
والنجمة هجرت ده المدار
اعترض كوني اللي صار
بصلي بصة ....جنون
ساعتها بس قلمي ثار
لأأأأأأ..مانيش مجنون
لانك...برضه مش ليلى
--------------------
M.H.R

18 Comments:

Blogger Ahmad Hegab said...

صباحك زى الفل

يا جماعه انا اول واحد اشهد عودة شاعرنا الكبير للحياة المدونتية

تسمحلى اقول تعليقى على البوست دا

يخربيت عقلك يا أخى

بسم الله ما شاء الله

دا انت خليتنى قاعد بغنى لوحدى فى الشقة

6:29 AM  
Blogger . said...

الله الله
اول مرة ازور المدونة بس ايه ده انا قلت فالاخر هتكتب الابنودي منقول منو
وانتا من اصدقاء الساقية
ياا هلا يا ا هلا
كل الناس بتقولك تحفة وجامد ومش عارف ايه
بس انتا فعلا عبقري زجل
اللينك بتاع مدونتك هيضاف عندي
انا بستمتع بكلامك
ربنا يكرمك
الى الامااااااااااام سر

10:47 AM  
Blogger . said...

الله الله
اول مرة ازور المدونة بس ايه ده انا قلت فالاخر هتكتب الابنودي منقول منو
وانتا من اصدقاء الساقية
ياا هلا يا ا هلا
كل الناس بتقولك تحفة وجامد ومش عارف ايه
بس انتا فعلا عبقري زجل
اللينك بتاع مدونتك هيضاف عندي
انا بستمتع بكلامك
ربنا يكرمك
الى الامااااااااااام سر

10:47 AM  
Blogger Mony The Angel said...

wooow bgad
enta 3abqary

11:16 AM  
Anonymous Anonymous said...

السلام عليكم
ياريت تشرفنا بزيارة لمجلتنا
Trateesh kalam

9:59 PM  
Anonymous Anonymous said...

عبقرية
وموسيقتها

وهمية ماشاء الله

بجد...عودة قوية

و حمد لله ع السلامة
:)

10:39 PM  
Blogger Ehab said...

ya welcome ya welcomeeeeeeeeeeeeee
shoft ya ebny mesh ba2eylna 3'er blogatnaa
:D
tab3en ya 3m 7amed maynf3esh a3lek 3laik enta 3adeeet 7'las
we mostawak bey3ela youm 3n youm


bas ana z3lan mnk :(
feeeen bawet el kalam ely enta o2let hatktebo beta3 3asfor , fakroo ???
we 7eyatak ya she7' te7'ls lena el 7eta de bsor3aaa :D
ashofk ba2a we e7na ben7'ls wara2a el gesh

3:05 AM  
Blogger frozen love said...

ahmed_h:

3mna elkber...we 3m elnas klha..w7shtny bgd

rbna ykhlek ya rb...."sha3r kber mra wa7da":))

we mbsot bgd eno 3gbk kda..3shan enta fnan we yhmny r2ye ay fnan 3shan e7saso el3aly...nwr elcomments wlahy



sad_doraa:

منورة المدونة..وان شاء الله ماتبقاش اخر زيارة

يا اهلا بيكي..شكلك من اصدقاءها برضه:))

احنا عندنا باند اه بينزل هناك وانا اللي بكتبله كلام الاغاني


ميرسي ليكي كتير قوي على كلامك الجميل ده وعلى رايك المشجع...وان شاء الله ليا زيارة طويلة في مدونتك



mony the angel:

rbna ykhleky ya rb..merci awi 3la eltshgee3 da



e7na:

i will check it out isa


epitaph:

allah yslmk...w7shtona wlahy..ana mbsot awy br2yk da 3shan enty 7asety elmusic gwaha...elblog nawar wlahy..elwa7d 7ass eno rg3 kda...lool


ehab:

akhgltm twad3na ya abo ehab wlahy...rbna ykhleeek

isa elkaseda de fe eltre2 bs msh 3arf malha m3slga 7ba..lool

a7la gesh la7la nas fe a7la balad:))

4:36 AM  
Blogger sa'7so'7te said...

بسم الله ما شاء الله
انا برضه دى اول مرة ازور البلوج بس بجد جميل حتى البوستات اللى قبل كده

بس البوست ده حضرتك بتزود "ي" كتير على الكلمات غالبا غلطة
او انا اللى جاهلة بالموضوع ده
:)

و بعدين عايزة اقولك انها ماتستهلش فعلا تكون ليلى بعد كلامك الجميل ده

و كل سنة و انت طيب رمضان كريم و العيد قرب و كلام كتير كده
تحياتى

10:24 AM  
Blogger monasosh said...

عودة المدون الضال!
:)

حمدالله على السلامة يا كبير, الا حمادة ماعداش يعنى
هيهي

1:44 AM  
Blogger Maat said...

lool @ Ma3t :)

ha2olak eh yabny.. 3ayza akteb nafs el kalam dah bas ma2loob ( as in heya ely bet2olloh el ma3nah dah :D )
wtg hamezz ;)I love the idea and how you... keda :D

I have one little comment though... wana ba2rah kelmet "toka" gat fag2a bel nesbaly.. and though I do get the image tab3an bas fasaletny 7aba!!! msh 3arfa da 3ashan ana el mood makansh metsastem wala eh!

10:43 AM  
Blogger mariam said...

الف حمد الله على السلامه
بجد سعيده جدا بعودتك

و بلاش تكرر الغياب تانى

افتقدنا اشعارك الجميله
بجد اشعارك جميله و كلها احساس

4:56 AM  
Blogger someone trying not to be alone said...

عملت خير انك رجعت

التدوين دا حاجة تحفة محدش يقدر يستغنى عنها



الشعر بتاعك حلو اوى


وفكرته كمان جميلة جدا


تحياتى

Mahy

2:31 PM  
Blogger مـحـمـد مـفـيـد said...

السلام عليكم
أخي العزيز
كل عام وانت بخير
وعيد سعيد عليك وعلي الاسره جميعا
وربنا يجعلك من المقبولين في رمضان ومن الذين أعتقوا في هذا الشهر العظيم
وان يديم عليك نعمه الصحه وراحه البال

12:11 AM  
Blogger frozen love said...

sa7'sp7'te:

اولا نورتي البلوج ومبسوط قوي انه عجبك كلامي وانك قريتي البوستات اللي فاتت كمان

بانسبة لموضوع الـ ي ده:))
فا المفروض تتكتب كده لانها من غير نقط بتبقى الف مقصورة بس جرى العرف يعني اننا بنكتبها دائما من غير نقطتين في كل حاجة وده صح برضه حتى تلاقي دول الخليج بيكتبوها بنقطتين

بالنسبة لي بقى ممكن مكتبهاش وساعات بكتبها زي المرة دي كده..تلاقيني كاتب ليلى الف مقصورة طبعا والباقي ي

سيبك انتي انا مبسوك انك خدتي بالك لاني ده معناه انك قريتي بتركيز

واكيد هي مش ليلى..,لأأ أ،أ /<،,،
:))

وانتي طيبة وكلكم طيبين والله اكرم



ma3t:

ma3t 7oby elwa7ed...loool
slamtk sm3t enk knty 3yana..2lf salama

thx ya 3m 3la elpassing da we allah yslmk...we ah...7mada mshghol we t2lan 3lena..hehehe


maat:

mt2olesh..."3ndy nfs el27sas 3ndak" zy ma 2al wagih 3ziz kda...loool

thx bgd 3la r2yk we belnesba lmwdo3 eltoka da..emmmm
msh 3arf ana knt 2l2an mnha 7ba bs fe elakhr krrt enha ansb klma l2nha related lkaza 7aga hb2a a2olhalk b3den...lool

9:47 AM  
Blogger frozen love said...

mariam:

الله يسلمك يا رب وانا كمان افتقدتكم والله ربنا يعلم

وميرسي بجد على كلامك الرقيق ده ورايك في المشروع اللي اسمه اشعاري ده :))

تحياتي


don't leave me alone:

thx a lot 3la r2yk da...we ahlan beky fe 3alm elblogger...atmna ab2a deef da2m 3la ur blog & we are all waiting the new posts of u

merci leky we t7yaty


محمد مفيد:

وعليكم السلام
وانت طيب وكلكم طيببين واللهم امين واعاد الله علينا رمضان وعلى الامة الاسلامية بكل ما هو خير ان شاء الله

9:50 AM  
Blogger LAMIA MAHMOUD said...

الله يا حامد ايةى كده وحشني الكلام ده

مش عارفة اجيب انيه حتة واقولك دي اكتر حاجة عجبتني لان كلها بجد سحلتني يعني

10:45 AM  
Blogger We2am said...

ya 3am elmagnoon :)
saba7o ya za3em :))

4:39 PM  

Post a Comment

<< Home