Thursday, October 11, 2007

انتبه!!!...الوحده...وطنية




ساذج من اسماها....ومجنون من عمل على تدميرها


وحدة وطنية....رغم انني قد تربيت على ما يسمى بمفهوم الوحدة الوطنية وقرات كتبها ورايت افلامها بل وسمعت اشعارها واغانيها...الا انني ولاول مرة قد نظرت نظرة الباحث فيما ارى وفي وسط ازدحام تلك الافكار والبحوث المصّغرة اذا بتلك الجملة العفوية تثور من شفتاي



اي وحدة؟....واي وطنية

منذ متى وذلك المفهوم يسيطر على ابناء هذا الشعب الواحد؟...منذ متى وله مؤيدون ومعارضون

منذ متى ونحن احزاب...لنعمل على توحيدها؟


هذا الشعب لمن لا يعرف ايها السادة هو من حفر مقابر الغزاه على مر التاريخ بايدي من لم تجف يداه من ماء وضوءه للصلاة وبايدي من ارتسم على يديه ذلك الصليب المقدس لم يدرك المغتصبون حينئذ اي يد تلك التي حفرت تلك المقابر ومحت تلك الحضارات الاستعمارية



لم يدرك ابدا ذلك الانسان البسيط انه يجب ان يسال شيخا ازهريا عن فرائض الوضوء...وان سؤال ابيه القسيس لن يفيد...فالبنسبة له...كلاهما رجال دين...وكلاهما طريقه للجنة

لم يشعر ابناء الاسكندرية في مظاهرات اهم الثورت في تاريخنا المصري والعربي..انهم ولو للحظة في وسط كل هذه الحشود والهتافات...قسمان...دينان...شيئااان...بل انهم ابناء مصر المطالبون بحريتها واعتدالها وبناة احلامها

لم تدرك عيناي في مشادات شارعنا انا هذا مسلم وذاك مسيحي الا عندما أقسم هذا بالنبي الكريم وذلك بالمسيح الحي لكي يصدق كل منهما الاخر ويمضي في سبيله

لم يدرك احدهم قط ذلك...ولم يشعر به ابدا..فكيف لي وبعد كل هذه القرون ان يتسلل في دمائي اي شعور اخر غير اني..مصري...عربي...اعبد الله الواحد تحت راية الاسلام وسنة النبي الكريم صلى الله عليه وسلم....وان هناك الكثير من هؤلاء المصريين..العرب....يتسلل في دمائهم نفس الشعور ونفس تلك الغيرة والحماسة...الا انهم اخوة اقباط يجدون سلامهم الديني بشريعة اخرى ارتضاها لهم عقلهم وقلبهم كما ارتضيت انا ديني بقلبي وعقلي


اذا كان الامر كذلك فبكل بساطة استطيع ان اقول ان مفهوم تلك الوحدة الوطنية ما هو الا اختراع...مصطلح دخيل في تاريخنا الحديث
! الله وحده يعلم من ادخله ولماذا...؟...

ربما من صنّفنا كذلك ونال براءة هذا الاختراع كان كل هدفه التأريخ ليس الا..وربما كان ذلك الهدف هو ابشع الاهداف في تاريخ مصرنا الحديث الا وهو الفتنة والانقسام...فمن يخترع وحدة يستطيع جيدا ان يشعل تلك النار التي سوف تاكل اعمدتها في سنوات عده..ويكون بذلك قد استطاع ان يفعل ما لم يفعله غيره في قرون..تلك الفتنة الزائفة التي لا نستطيع ان نغمض عنها اعيننا وندفن رؤوسنا في التراب لنتجنبها...فكل ّيراها بعينيّ الراصد ويلمح مظاهرها من داخل داخل قلبه...ذلك القلب الذي لم يفطم قط من حب هذه البلاد


انتبهوا ايها السادة...فالوحدة ..وطنية
والفتنة ...طائفية


وكل عام ومصر بخير بمناسبة عيد الفطر المبارك اعاده الله على الامة المصرية بالخير واليمن والبركات


الرسم الكاريكاتوري للفنان الشهيد: ناجي العلي
------------

M.H.R

19 Comments:

Blogger Desert cat said...

وذكر فان الذكرى تنفع المؤمنين
ربنا يهدى الجميع الى ما يحب ويرضى
وكل عام وانت بالف خير
عيد سعيد ان شاء الله

2:37 PM  
Blogger youssef said...

تحياتي ليك اولا و للبلوج يا هندسة وبعدين
معاك حق في كل كلمة طبعا قلتها .. امتي تعبير الوحدة الوطنية دا ظهر و ازاي ؟؟ .. وجوده و ترديده هو اللي بيوحي بوجود الانقسام و الفرقة فعلا و ده مش صحيح في الواقع
لكن عموما بعيد عن موضوع الدين .. الفردية و المادية و المظهرية اصبحت سمات مميزة لحياتنا .. فتلاقي بقي فيه انانية و تعصب من الواحد لنفسه و لشخصه ابشع من اي وقت فات .. اقصد ان الفتن المزيفة دي مش مرتبطة بالدين بس .. هو بس وتر حساس تغذيه .. لكنها جزء من تزييف و توهان كبير غطي حياتنا و بيدمرها كلها
تحياتي مجددا .. و كل عام و انت بخير

2:52 AM  
Blogger hurricane_x said...

This comment has been removed by the author.

1:53 PM  
Blogger hurricane_x said...

الجملة دى فعلاً عاملة زى السم, او خازوق كده إنزرع فجاة فى وسطنا..
كأنك قلت بطلوا خلافات...إيه ده...هوا فى خلافات أصلاً...طب وليه خلافات وكراهية...إيه ده...فى فعلاً خلافات...هي صغيرة وهابلة بس أكيد ناتجة عن اختلاف الدين...والعملية قعدت توسع وتوسع...ونسينا المشكلة بدأت إمتى وفين وإزاى وليه!!
مسمار عمل شرخ والشرخ شق طريقه لحد ماعمل أخدود وعمال يوسع واحنا مش واخدين بالنا لأننا مدفوعين بغباء كراهية أصلاً مالهاش محل من الإعراب, ونسينا إن احنا فى الأصل واصحاب وجيران و...مصريين.
حسبى الله ونعم الوكيل

1:55 PM  
Blogger sally said...

عرفت فعلا توصل لقلب الحقيقه
بوست رائع
تحياتي و كل سنه و انت طيب و عيد سعيد عليك يا رب

6:12 PM  
Blogger Ehab said...

ينصر دينك يا حامد
انت كده جبت من الاخر

كلامك فعلا صح
صح الصح كمان

6:17 PM  
Blogger يا مراكبي said...

أولا مبروك التخرج وربنا يهون عليك أوراق الجيش

ثانيا .. فكرة جديدة إننا ننظر لمفهوم الوحدة الوطنية على إنه مفهوم دخيل ككلمة حق يراد بها باطل .. فكرة برضة

طمنا عليك

9:16 PM  
Blogger LAMIA MAHMOUD said...

كل سنةوانت طيب يا سيدي

10:43 AM  
Anonymous Anonymous said...

لو اتكلمنا بصراحه هانقول ان فعلا دلوقتى بقى فيه مشكله
والمشكله الاكبر منها هو اننا مصرين اننا نقول ان مافيش مشكله
شوفوا مين اللى بيخرب وسطنا

12:59 PM  
Blogger Amr Ahmed said...

كل سنة وانت طيب

عيد سعيد يا هندسة

7:10 PM  
Blogger Unknown said...

كاركتير ناجى تحفه و الكلام احلى بجد التعبير ده دايماً بتقال فى كل مناسبه و من غير اى مناسبه اصلاص تعبير فاقد معناه و اصبح مجرد كلمات جوفاء

كل سنه وانت طيب يا صاحبى

3:35 PM  
Blogger Banota said...

منذ ان دخلت تلك الكلمة الى قاموس اللغة العربية
موضوع رائع أحييك علية

تحياتى

1:30 PM  
Blogger Oma said...

فعلا على فكره الكلمه دي غريبه وجديده ماكانش بيتقال كده قبل كده لان قبل كده كان ده العادي...من امته واحنا مختلفين عشان يجمعونا دلوقتي
بيعملوا موضوع من اللاشئ !
كل سنه وانت طيب مع ان العيد خلص
بس كل يوم وانت طيب :)))))

9:19 PM  
Blogger micheal said...

ربنا ستر ع البلد دي يا محمد
التعصب بدأ يزيد من الطرفين بشكل واضح في الاونه الاخيره و الايدي الخفيه التي تلعب في الظلام لا تكل و لا تمل
ربنا يستر
تحياتي

2:38 PM  
Blogger Ahmed Al-Sabbagh said...

نظرا لتميز مدونتكم فقد تمت اضافتها لدليل الصباغ للمدونات

===============================

شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة

لكن دعونا نذكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية


أحمد الصباغ

8:33 PM  
Blogger مواطنة said...

راااااائع الموضوع ده يا ريال لاف

مدونتك جميلة

8:45 PM  
Blogger Abd El Rahman Magdy said...

تصفيق
صفير
انحناءة تحية
بجد مش عارف اقولك ايه
فعلا معاك حق
الشعب ده طول عمره شعب واحد مفيش فرق بين مسلم ومسيحي ولا حتى يهودي لما كانوا عايشين معانا في سلام
ربنا يرحمنا من اللي بنشوفه دلوقتي
يا ريت نرجع زي الاول
تحياتي مرة أخرى

2:53 AM  
Blogger مواطن مصري said...

مشكور اخي العزيز
ومن رايي انه مصطلح وحده وطنيه في حد ذاته يثير التفرقه والاحساس بالاختلاف .. فبدل من ان يخفي هذا المصطلح التفرقه اظهرها ): وجعلها نغمه متداوله

3:50 AM  
Blogger Mina said...

اقولك حاجة ؟
بجد بجد بجد ؟
مدونة ممتاااازة
والبوست ده فعلا حطيت ايدك فيه علي الجرح
وجعنا كلنا بس عرفنا فين مكانه
انا اول مرة اعدي هنا بس اوعدك مش اخر مرة
تحياتي بجدددددددد

9:36 AM  

Post a Comment

<< Home