حلمت

حلمت اني في احضانك
دايبين من الاشواق
وتاه العشق في كيانك
كأن العقل عمره ما فاق

والحضن ياااه... طوّل
يا حلم من الاول
من قد ايه مشتاق
حلمت اني في احضانك
والحضن في الاحلام... فراق

وجوه الحلم
كان شيئ مموتني
وكتر العشق فتفتني
بقيت محتاج تلميني


كاني في البراح طائر
خاطفني بحرك الثائر
بنادي عليكي شديني


تفوليلي انا رافضاك
اقولك رافضة ضميني
تقوليلي خلاص... عايزاك
اقول ازاي تعوزيني


ده كل ميزان في احلامك
يبات مغلوب يقوم غالب
ولسة العمر قدامك
ولسة القرب انا طالب


ولسة هدوب في احضانك
يدوب القلب من الاشواق