Friday, September 07, 2007

صحبجيتناااااااااااااااا


الظاهر اني من كتر الواحد ما هو مطحون..البلوج تحول للوحة إعلانات....ما بجيش اكتب فيه غير لما اكون عايز افكر حبايبي البلوجرزبميعاد مقابلة او حفلة عشان بتكون دي الفرصة الوحيدة اللي كلنا بنتجمع فيها....بجد واحشنّي قوي يا جماعة...واحشنّي ومش عارف اعتذرلكم ازاي على غيابي الطويل ده..لكن معظم اللي كلموني عرفوا ايه اللي بيحصل فيا وايه اللي شاغلني.........مش عايز اوجع دماغكم ولو اني واحشني اني اوجعها شوية انما انا جيت النهاردة عشان اعزمكم على حفلة الصحبجية الرابعة اللي هتكون

يوم الاتنين الجاي 10\9\2007 بساقية الصاوي


الصحبجية اللي انتم شاركتونا اهم حفلاتها اللي فاتت..عاملة حفلة جديدة في نفس المكان بس مش بنفس الروح طبعا...كل يوم عن يوم روحنا بتقوى وادائنا وخبرتنا بتزيد...وعددنا كمان بيزيد....والمرة دي اللي عدى مش ايام,انا بعتبر الحفلة دي هي عيد ميلاد الصحبجية لان اول حفلاتنا كانت 21\9...و بجد نفسي تشاركونا فيه


مستنيكم.....الحفلة يوم الاتنين القادم 10\9\2007 بساقية الصاوي بالزمالك..قاعة الحكمة..الساعة 8 مساءا